Marcel Slangen

Marcel Slangen a skepyî li 3 d' avri 1935. Il a morou li 16 di decimbe 2017.

(e 2005)

fijhant li spitch d' adrovaedje des scoles di walon del Veye di Lidje, e 2005

C' est on scrijheu et on bouteu pol walon, di Lidje. Il a-st acvierné lontins li CRIWE.

Di s' mestî, il esteut mwaisse di scole.

Ouve pol walon

I cmince pa-z eplaidî, e 1995, ene ramexhnêye di spots et ratourneures e walon (Guide des expressions en wallon liégeois).

E 1999, i moussa foû, todi scrît d' lu, ene ramexhnêye d' arimés foû-naturels (et plaijhants) so les biesses, «Droles di biesses».

Il a metou so pîs li rvuwe Djåzans walon e 1993, et nd esse li mwaisse-sicrijheu disk' å djoû d' ouy. Insi, i fourit onk des prumîs scrijheus di prôze nén racontrece. I fjheut des papîs so les lingaedjes dilérins, li teyåte e walon, li politike di disfindaedje do walon el Walonreye, la k' il esteut foirt seur po les cis del RTBF / Vivacité.

Il esteut eto acsegnant d' walon ås scoles di walon del veye di Lidje.

Il a lontins tnou ene coirnêye "So les Toeles", dins l' Walo + gazete, la k' i corwaitive des fimes lanawaire rexhous el Walonreye.

E 2013, i va vudî ene sitroete plake di slam.

Marcel Slangen eyet li rfondaedje do walon

Marcel Slangen a stî onk des enondeus di l' idêye do rfondaedje do walon. Dins l' papî «Slangen_une_langue.pdf Une langue pour la Wallonie ?» (raploû UCW di 1990), i dene cénk mwaissès idêyes k' on stî shuvowes dispu don.

I fjha pårteye del tåvlotêye rifondaedje di l' UCW.

Il a dné tenawete l' ocåzion di djåzer do rfondou dins l' gazete "Djåzans walon", mågré li hagnûlté di sacwants waloneus lidjwès disconte li pordjet. Mins i n' a måy eployî lu-minme l' ortografeye rifondowe.

Droldimint, dins on papî dins "Djåzans walon", e moes d' decimbe 2007, i sotna l' atake da På-Hinri Thomsin disconte do rfondou.

Hårdêyes difoûtrinnes

• Si pådje so l' Aberteke
• Marcel Slangen dit l' sinne so l' avni do walon dins on papî del Libe Beldjike.
• "So les Toeles", corwaitaedje di des vîs fimes po Walo + gazete (rimetous e rfondou walon)
• Papî di 1989 une langue pour la Wallonie (e francès)
• Si papî disconte do rfondou di fén 2007
  • Mwaisse modêye (sol djåspinreye "Berdelaedje")
  • E rfondou, avou racourti e francès (sol djåspnreye "Toudi")
• Li Wiccionaire si rsieve di sacwantès fråzes da Marcel Slangen po-z enimådjî des mots k' i gn a.