Ene lisse d' emilaedje, on dit co ene djåspinreye, c' est on sistinme di cossemaedje di messaedjes so l' Daegntoele, a ene lisse di djins abounés, sovint so on minme tinme.

Vos evoyîz vosse messaedje a ene adresse (metans Viker@Yahoogroups.fr) et li messaedje est redjiblé a tos les cis ki s' avént rashious sol lisse.

Li lisse est awaitêye pa on mwaisse awaiteu, u "moderateur", ki pout espaitchî onk des uzeus di co eployî l' lisse po spåde ses messaedjes. Ça arive cobén cwand les idêyes sipårdowes n' ahåyént gote les ôtès djins del lisse. Udonbén k' il evoye ditrop di messaedjes, et des trop longs.

Les messaedjes sont eto sovint afitchîs so ene waibe cintråle.

Les lisses d' emilaedjes ont cmincî tins des anêyes 1990. Elle ont stî bråmint replaeceyes pås foroms éndjolikes, a pårti des anêyes 2000.

Sacwantès djåspinreyes e walon candjî