Tévé waloncåzante

Li tévé waloncåzante (pacô spotêye Youtube-RTW), c' est ene tchinne di videyos, pår e walon, eplaideye so Youtube.

L' idêye a stî enondêye pa Pablo Sarachaga e 2007.

Li mwaisse adierceu del tchinne, c' est Lucyin Mahin.

Contnou

Rapoirtaedje sol fåkinreye

Gn a des rapoirtaedjes la ki les djins cåzèt e walon, int di zels des respondas di waloneus udon d' ôtes walon-cåzants.

Gn a eto des tchansons e walon. Ons î trouve eto des rapoirtaedjes foû payis, aprume e Marok. Adon, si djins n' cåznut nén walon, i sont, soeye-t i sortitrés, soeye-t i doblés avou on djåzaedje e walon.

Les muzikes di fond provnèt sovint des tchansons da Urinda Hernandez (li feme da Yves Paquet) oubén del plake Emacralaedje prodûte pa Pierre Otjacques et l' Rantoele.

Sortitraedjes

Les cåzaedjes e walon sont sovint sortitrés e rfondou, do moens les passaedjes ene miete målåjhey a comprinde, ou wice ki l' cåzeu eploye des ratourneures coinreces. Si l' cåzaedje rishonne foirt å francès, on nel mete nén e sortite. Des côps k' i gn a, li tecse est åjhey a trover e sistinme Feller (metant il est ddja sol videyo), et s' est i leyî insi.

Imådjete

imådjete

L' imådjete del tévé walon-cåzante est fwaite avou les letes MTV (Mahin TV). Ele n' est nén metowe so totes les videyos.

Sacwants videyos

Egzimpes d' emissions, å cmince del tchinne

Sicoles di walon.
Responda di waloneus : Joseph Docquier, Lucien Gaspar, Serge Fontinne, Emile Sullon ou ds ôtes waloncåzants (on bankî filozofe)
Respondas di temoens diyalectolodjikes, a pårti di vîs eredjistrumints odio.
Tchansons e walon : Li ptit banc, L'Auvergnat rimetou e walon, Li walone tchanson di m' payis, Li nute di may… (Loukîz tocial)
Grands rapoirtaedjes : Voyaedjes e l' Almagne avou Manfred Lejoly, rapoirtaedjes å Marok avou Lucyin Mahin.
Etrevéns a vey avou l' langue walone : prezintaedje di lives, messe e walon, sicole di walon, cåzaedjes avou ls efants, rime-rames d' efant, rapoirtaedjes sol fiesse ås lingaedjes walons.
Teyåte e walon : do Christian Derycke, come On dit k' les manaedjes ni vont pus, mins eto des pîces avanciveuses, come Antigone, redjårbé da Jean Anouilh
Rilidjon: ene messe e walon a Bastogne, vizite di l' eglijhe di Bhô.

Hårdêyes difoûtrinnes

Adresse del tchinne
Pådjes rashonnant les videyos del tévé waloncåzante, pa tinme (so l' Aberteke)