Disambig.svg Pol discramiaedje des årtikes avou l' mot « Spot », loukîz cial.

Wiktionary-logo.svg

Po des linwincieusès racsegnes sol mot "spot", alez s' vey sol Wiccionaire

On spot[1], c' est ene coûte fråze ki dene ene luçon u ki fwait tuzer.

Spots Auguste Lurquin; les deus dierins, c' est des spots; li prumî purade ene ratourneure

Egzimpes di spotsCandjî

C' est todi les ptits k' on spotche
L' ome roye et l' Bon Diu disroye
Après les grands ramasseus
C' est todi l' ci å pî d' l' eglijhe k' arive e rtård a messe
Li ci ki n' a nén des mehins è ratind
On n' candje nén si tchvå po ene bourike

Il stî foirdjî pa ene djin k' on n' kinoxhe pus. Les spots si spårdèt tot seus dins les vicants lingaedjes.

On mete eto avou les spots les ratourneures, ki n' sont nén pår des spots.

bate al gregne et vaner a l' ouxh.
Il a stî spani avou on soret.
Dji l' a sol betchete del linwe.

Diferinces avou des ôtès djhêyesCandjî

Ene des sôres di spots, c' est les sapinstés.

Li spot est diferin del pinsêye k' est eto ene pitite fråze po fé tuzer, mins k' a stî scrîte d' ene kinoxhowe djin.

Gn a eto les rmetaedjes (avou l' divancete "come").

I s' è fote come di l' an cwarante.
Il esteut tcherdjî come on bådet.
Il est biesse come ses pates.

Sacwantès ramexhnêyes di spots et ratouneuresCandjî

 
Live da Marcel Slangen so les ratourneures
 Loukîz a : Djivêye des lives di spots et ratourneures

Gn a yeu sacwantès ramexhnêyes di spots e walon, li pus rlomêye, c' est l' cene da Dejardin.

Les spots dins les scrijhaedjes e walonCandjî

Dins les romans u ptits romans e walon, gn a sovint bråmint des spots, k' on dit ki ça ndè fwait l' valeur literaire.

Hårdêyes difoûtrinnesCandjî

  1. Mot tipicmint walon; po tos les sinonimes, loukîz al notule ALW 17 ??.