Son ÉN

Pol discramiaedje des årtikes avou l' mot « én », loukîz cial.

Li son ÉN, c' est ene naziåle tipike do walon, fwaite sol son É.

Notåcion AFE: /ẽ/

Egzimpes di prononçaedje

• bén ^{aschoûtez lu}
• rén ^{aschoûtez lu}
• téns / tént / tén ^{aschoûtez lu}
• tchén ^{aschoûtez lu} (Joseph Dewez, accint d' Liernu).
• difén ^{aschoûtez lu}; (ey al difén, èl bîje a dit k' èlle èn sâréve ^{aschoûtez lu}) (Thierry Dumont, accint d' Fleuru, ratournant «Li bijhe et l' solea»).
• å matén ^{aschoûtez lu} (Jacques Desmet, accint d' Mélin).

Etimolodjeye

Bråmint des mots k' avnèt a ç' son la dins l' accint walon do Payis d' Moustî provegnnut del cawete latene -inum, ou des ôtes corons avou ene lete i dins l' divant-dierinne sillabe: bassén (baccinum), cénk (quinque), covén, cossén (coxinum), djårdén (gardinium), èch(è)vén (scabinum), fuzén (fusaginem), kénze (quindecim), latén (latinus), lén (linum), loyén (ligaminem), medcén (medicinum), nourén (nutrinem), Ogustén (Augustinus), ôrfulén (orphaninum), pénte (pincta), plantén (plantaginem), ricén (ricinum), sapén (sapinum), tchimén (caminum), vén (vinum).

Mwaissès dnêyes

Il esteut oyou so ene lådje pårteye del Walonreye (Coûtchant walon, Hesbaye Namurwesse) e 20inme sieke, dins les mots riprins e rfondou avou on betchfessî én.

Dins on grand boket del Hesbaye (di Djiblou a Djodogne), li son én s' etindeut eto dins ene cåkêye d' ôtes mots.

• sacwants mots rfondous avou li voyale naziåle IN : esprénde (esprinde), vént (vint, 20).

• sacwants mots rfondous avou li lete é  : cerénjhe (ceréjhe)

• sacwants mots rfondous avou li betchfessî ai : frénje (fraijhe)

Alére

Bernard Thiry, La nasale notée «-én» dans une variété régionale du wallon namurois, Wallonnes 3/2022, pp 1-20.