Joseph Dewez

Joseph Dewez (e walon, Djôzef Dewé) a skepyî a Liernu li 27 di måss 1950. C' est on scrijheu e walon

Joseph Dewez

Skepiaedje	27 di måss 1950, Liernu
Nåcionålité	Bedje
Activités	scrijheu

WIKIDATA

Ouve e walon

I scrît foû k' des powinmes, la k' i note l' accint d' Liernu. C' est del powezeye imådjrece, a môde del sicole namurwesse da Jean Guillaume et Georges Smal. Si prumire ramexhnêye a vudî e 1993, dzo l' tite Do vint dins lès croles. Trinte ans pus tård, e 2023, si deujhinme live, Evoye, Abråm, a rexhou dins l' coleccion « Di Walonreye » di Tétras Lyre.

Todi e 2023, li veye di Tcheslet lyi a dné l' prumî Pris Émile Lempereur, po « Dji n' pou sofler ».

Il est Relî namurwès. Et ndè divni prezidint après Lucyin Somme.

Il a stî relî dins l' Antolodjeye Scrire. I fourit eto li prumî powete walon a-z esse publiyî so les fis del Måjhone del powezeye di Nameur.

Aveut malåjhî di cåzer e walon dvant les djins å cmince, mins a-st aprins belmint avou l' sicole di walon d' Nameur.

Asteure, i cmince a fé del prôze (tecse sol retåve di Belvå).

Hårdêyes difoûtrinnes

• Powinmes da sinnes sol waibe del Måjhone del powezeye di Nameur
• (fr) Ès pådje « Objectif Plumes » (on waibe del Federåcion Walonreye-Brussele)
• A ene ronde tåve e walon (sol Tévé walon-cåzante)
• Li Wiccionaire si rsieve di sacwantès fråzes da Joseph Dewez po-z enimådjî des mots k' i gn a.