Sint Rok

Sint Rok, c' est on sint fiesti el Walonreye.

Posteure do sint (tchapele Sint-Rok di Tcheslet)

Biyografeye

Il a skepi a Montpellier, diviè 1350 et moru a Voghera, e l' Itåleye, diviè 1378, 1379.

Riprezintåcion

Il est todi rprezinté avou s' tchén, et mostrant s' djambe avou on magnant boton.

Sacwants eglijhes Sint-Rok el Walonreye

• 
  a Bwès-d'-Viyé
• 
  a Håset (Råren)
• 
  e l' Sôte (Timister)
• 
  a Sweron
• 
  a Sovrin Wonde

Sacwants tchapeles Sint-Rok

A Ferire, gn aveut on rlomé perlinaedje. Sol plaece del tchapele, on a fwait ene rilomêye sicole. La dins l' cotoû, n a-st ene tchapele a Werbåmont, avou s' posteure ådzeu del poite .

A Biernåfa, les djins î alént priyî l' sint po k' i les voye waeranti del pesse et minme do colera.

Tchapeles Sint-Rok a Palijhoû, a Viyé-Potreye, a Åjhô, a Tcheslet ey a Préle.

• 
  a Tcheslet
• 
  a Werbåmont
• 
  a Palijhoû
• 
  a Lidje

Måtches Sint-Rok

Dins les måtches di l' Eter-Sambe-et-Mouze, end a a l' oneur di Sint Rok a Låsprele, Bingnêye, Tchåsse, Tcheslet, Florefe, Han-so-Eure, Sårt-a-Statche, Twin.

Dins l' lingaedje walon

dins les ratourneures

Come il est todi rprezinté avou s' tchén, gn a on spot «esse come sint Rok et s' tchén» po deus ki n' si cwitèt nén. On dit ossu: «sint Rok n' eva djamåy sins s' tchén»

dins les belès-letes

On cåze di s' siervaedje siconte li noere pesse dins l' fåve «Les biesses acsûtes del pesse», modêye da Tchåle Dovevî (tecse vaici).

Foû del Walonreye

åbiedje a s' no avou s' dessén sol voye a Sint-Djåke-e-l'-Galice

Gn a ene pitite veye lomêye a s' no e l' Andalouzeye (tot près d' Djibraltar) (San Roque).