Li ptit hierdî (epopêye)
Li ptit hierdî, c' est on long arimé, a môde d' epopêye, da Louis Lagauche ki raconte li paskeye d' on djonne bierdjî, Hanesse, ki vout aler vey kimint çk' on vike el veye.
Il a stî eplaidî e 1926.
Pîtaedje
candjîC' est soeye-t i des zandrins, soeye-t i des ût-pîs, u des dijh-pîs. Gn a sovint des rprinjhe d' ene fråze ki rote come on respleu.
Kitaeyaedje do live
candjî- Dicåçaedje e walon a s' camaeråde Marcel Launay.
- Sol coviete divantrinne, gn a eto ene dijhêye: “Vey, comprinde et inmer s' payis, c' est viker deus feyes”.
- Les dessinaedjes sont da Maurice Salme.
- Limeros d' saetchaedje (p. 9)
- Adrovaedje e francès pa Auguste Doutrepont (p. 11 a 15).
- Prezintaedje del sipoûle (vers di ût pîs): p. 17 a 19.
- Après, li tecse lu-minme (p. 17 a 153), pårti e cénk tchants. Tchaeke tchant, avou les tites des sudjets k' on ndè va djåzer.
Metans:
- Tchant IV: A Lidje
- 1850 - Ene fiesse a Lidje - Vive Li Rwè - Pôve cokea d' Årdene - Après l' plouve, li bea tins - On vî bråve manaedje - L' aprindisse boledjî - Come les djoûs sont longs - Ene amourete - Cour d' agnon - Tchanson di rgret.
- Note so les sourdants des viyès tchansons.
- Motî walon-francès (p. 157-160).
- Dataedje di fén d' imprimaedje: 6 di decimbe 1926, pa C. Gillard a Lidje.
Plaeçmint dins l' tins et dins l' espåce
candjî- Li spoûle si passe e 1850, la k' on fiesteye les 20 ans del dislaxheye Beldjike.
- Hanesse provént d' Burnontidje. I va e pelrinaedje a Sint Rok a Biernåfa (Hôte Årdene). Li tchant 4 si passe a Lidje.
Racsegnes foclorikes
candjî- pelrinaedje a Sint Rok.
- Floriconte do bierdjî d' Mousni.
- Fåve del biesse di Staneu.
- Viyès tchansons: Vint k' huzene voci sol brouwire. E nosse manaedje, nos esténs troes. Bierdjî, hay, adschind del brouwire.
Saetchaedje
candjîsaetchî a 300 egzimplaires, inte di zels, 5 so papî speciå, foû handele, mårkés A a E et 95 so papî al mwin, limerotés di 1 a 95.