Auguste Doutrepont
Auguste Doutrepont, a skepyî li 6 di decimbe 1865 ey a morou li 22 d' måss 1929.
Il esteut prof di romanes a l' Univ di Lidje (di 1891 a 1929).
Biyografeye candjî
Il studia a Lidje et moussî foû e 1888 (si prumî mwaisse fourit Maurice Wilmotte). Adon-pwis, porshuva ses scoles a Florince (dilé les Pio Rajna und Matteo Giulio Bartoli), u a Paris, dilé Gaston Paris eyet Jules Gilliéron, ey eto a Halle addé Hermann Suchier.
I fourit mimbe di l' Academeye di langue et literateure francesses di Beldjike dispu si skepiaedje e 1920.
Ouve pol walon candjî
I va enonder avou Jean Haust li pordjet di Diccionaire djenerå do lingaedje walon.
Il a stî prezidint del SLLW di 1918 a 1928. Ey insi, esse dins tos les djuris po les bate di scrijhaedje del soce.
Si mwaisse ouve di rcwereu pol walon årè stî, pus k' seur, si rashonnaedje di noyés walons. I ndè va-st eplaidî 15 dins on prumî ovraedje «Recueil de noëls wallons» (Schôtlêye di noyés walons) divins li «Revue des Patois gallo-romans» (1888). Adon-pwis, après des novelès rcwerances, ene novele ramexhnêye avou des miersipepieusès racsegnes: «Les Noëls Wallons» (les noyés walons) (1909). Ci live la va stombyî mo des Walons a lyi evoyî des noveas tecses, k' i va rashonné, mins ki n' seront espwetés k' après s' moirt pa Maurice Delbouille et vudî dins l' live Doutrepont-Delbouille so les noyés walons (1938).[1]
Il scrijheut voltî des adrovaedjes po les lives da Louis Lagauche eyet Jean Lejeune di Djoupeye.
Mins on n' lyi cnoxhe nou scrît e walon.
Ouve pol Walonreye candjî
Il esteut on bateu pol Walonreye, avou. Si esteut i la å raploû d' Lidje di 1920.
Alére candjî
(fr)Discours du président (pol 50inme djama di l' SLLW, Annowuaire di l' SLLW, 1926-1927 (n° 32), pp 93-99.
Sourdant candjî
- ↑ Maurice Delbouille, adrovaedje do live Delbouille so les noyés walons, p. 5-6.