Marcel Launay

Marcel Launay, c' esteut on scrijheu e walon.

Marcel Launay

portrait da Marcel Launay

Skepiaedje	3 di setimbe 1890, Ferot
Moirt	18 di may 1944, Lidje
Nåcionålité	Bedje
Activités	scrijheu

WIKIDATA

I skepia a Feroe (Fero, on hamtea d' Ferire) li 3 d' setimbe 1890, et mora a Lidje li 19 di may 1944 (dins on bombårdumint des Aloyîs sol veye, ocupêye des Almands).

Di s' mestî, il esteut indjenieur foistî.

Ouve e walon

Come powete

I cmince a scrire e 1909 dins Li Clabot eyet Li ptit Lidjwès.

E 1922, i wangne si prumî pris a ene bate di powezeye del SLLW. I va ramexhner 42 beas bokets dins ene ramexhnêye lomêye Florixhåjhe (Florifâye) (1925).

I ratake après côp, et-z eplaidî «Les tchansons do bierdjî» (1937). Si dierinne ouve, k' i n' sava fini, «Les tchansons do moxhî» a stî eplaideye après s' moirt dins l' «Vie Wallonne».

Come sicrijheu d' teyåte

Come teyåtreus, a scrît sacwants pîces.

• Li moirt do Schoirçåd (li mwèrt dè hwèrça) (3 akes) (1927)
• Al rodje minire (1929) (c' est on no d' plaece di Ferire
• Li potale di bwès (1931)
• Li tchant do côr (1931)
• Pelé Rossea (sins date)
• Li bele coujhnire (sins date)
• Å tins des frambåjhes
• Li coirnou da Nenele (2 akes)
• Li sondje do moxhî (arimé, 2 akes)

Come romantî

I n' a scrît k' ene ramexhnêye di noveles, «Les contes do gåre di bwès» (1937).

Hårdêyes difoûtrinnes

• Dijhaedje do boket «po-z esse on payizan»
• Li Wiccionaire si rsieve di sacwantès fråzes da Marcel Launay po-z enimådjî des mots k' i gn a.
• Vos trouvroz des racsegnes so les ouves da Marcel Launay, u les ouves zeles-minmes, so Wikisourd e walon.