Drovi l' mwaisse menu

Jean-Pierre Dumont

Pol discramiaedje des årtikes avou l' mot "Dumont", loukîz cial

Wiktionary-logo.svg

Li Wiccionaire si rsieve di sacwants fråzes da "Jean-Pierre Dumont" po-z enimådjî des mots k' i gn a.

(e 2003)

Jean-Pierre Dumont a skepyî a Avene li 29 di decimbe 1944. C' est on sicrijheu di ptits romans et d' coûtès prôzes e walon.

Ådvins

Ouve e walonCandjî

come sicrijheuCandjî

Noveles et coûtès prôzesCandjî

Ses noveles ont stî aprume eplaideyes sol Daegntoele, sol waibe l' Aberteke.

Adonpwis, e 2005, i fwait rexhe ene ramexhnêye di ses noveles, «Contes di m' payis et d' co pus lon». Cist ovraedje la a rascodou l' Pris del Kiminålté francesse di 2006.

Ene novele ramexhnêye, Tot tournant les pådjes a rexhou e 2017.

 
Djan-Pire Dumont al Djournêye des belès letes e walon a Hu k' il adjinçna e 2004
 
Jean-Pierre Dumont (a hintche) ki tént l' drapea walon a l' Elizete

Prôze nén racontreceCandjî

Djan-Pire Dumont a eto scrît del prôze nén racontrece, metans sol Hongreye.

Come bouteu pol walonCandjî

Come bouteu pol walon, il a rmetou do walon dins l' soce culturele di HuLi Coirneu”: adjinçner ene cåkêye di shijhes walones, k' ont stî tertoes ecasetlêyes e videyo; renonder li Pris Joseph Durbuy, et mete so pås so fotches les prumirès djournêyes des belès letes e walon (2004).

E 2014, il emantcha ene djåspinreye éndjolike so Fesse-bok, lomêye "Payis condruze et walon".

Come eplaideuCandjî

Il a bouté on tins so ene antolodjeye des scrijheus e walon do Payis d' Hu. Pol prumî côp dins les antolodjeye, les notûles biyografikes sont eto ratournêyes e walon.

Il a eto scrît so Augustin Vermer dins l' rivuwe "Ardennes wallonnes".

Les pus belès noveles da Djan-Pire DumontCandjî

Dins "conte di m' payis et d' co pus lon"Candjî

  • Mignolet.
  • Zoly est moirt.
  • Li dierin de Carayibes.
  • Nanete.

Dins "tot tournant les pådjes"Candjî

  • Moncheu l’ Prôcureur dè Rwè
  • Li grande sogne da Niniye

CorwaitaedjeCandjî

Il a basti ses romans avou des tecnikes di ralaedje en erî, maxhaedje des spoûles di deus diferinnès djins, evnd (davance, les romans e walon estént sovint cronolidjikes, avou on seul mwaisse persounaedje).

Ses spoûles si passèt kécfeye el Walonreye, mins eto foû payis (dins les Carayibes, el Hongreye, evnd).

C' est ossu onk des prumîs k' a djåzé d' seke sins rastena dins les belès letes e walon.

Hårdêyes difoûtrinnesCandjî