Biyografeye

Po des linwincieusès racsegnes sol mot "biyografeye", alez s' vey sol Wiccionaire

Ene biyografeye, c' est on scrijhaedje ki raconte li vicåreye d' ene rilomêye djin. Dabôrd, c' est del prôze nén racontrece.

Ça pout esse on live udonbén ene notule di live, u asteure, ene waibe-pådje.

Si c' est li scrijheu ki raconte si prôpe veye, ça s' lome ene otobiyografeye.

Biyografeyes e walon

N a måy yeu on live pår e walon, k' esteut ene biyografeye d' èn ôte. Mins n a-st oyeu sacwants otobiyografeyes e walon come "Dji vs va dire li minne, pacô a môde di roman, come "Pilipili".

Les lives di biyografeye des scrijheus e walon u les notules biyografikes so leus ovraedjes, sont scrîtes å pus sovint e francès.

Li pus grand nombe di biyografeyes e walon si trouve so l' eciclopedeye Wikipedia. N a vaila des spesses biyografeyes di totes sôres di djins, sicrîtes pa sacwants wikipedisses, metans Pablo Sarachaga, José Schoovaerts, evnd.

Les biyo-bibiografeyes des scrijheus et rcwereus e walon î ont stî adierceyes, aprume, pa Lucien Mahin.

Hårdêyes divintrinnes

Egzimpe di biyografeye d' on politikî revinteu : Abdelaziz Al Rantissi pa Pablo Sarachaga
Egzimpe di biyografeye d' èn esploreu: Adrien de Gerlache pa sacwants bouteus
Egzimpe di biyografeye d' on spiroutî: Willy Maltaite pa José Schoovaerts
Egzimpe di biyo-bibiografeye d' on rcwereu sol walon : Jean-Jacques Gaziaux pa Lucyin Mahin
Egzimpe di ptite biyografeye d' on politikî walon : Rudy Demotte pa Stéphane Dohet.

Hårdêye difoûtrinne

Egzimpe d' ene biyografeye sicrîte e walon (li cene da Gaston Lucy, pa Louis Baijot)