Betchete di-

Li betchete di-, c' est ene c' est ene betchete, sovint sinonime del betchete dis-, aprume e walon do Levant.

Li "i" del betchete di- est spotchåve.

Valixhance, eneviè l' bodje

Li betchete di-, come li betchete dis-, a deus valixhances possibes:

• rafoircixhante betchete di- : ditoumer = bén toumer, diviè = viè
• rissaetchante betchete di- : divuzlêye cossoune = cossoune sins vuze

Po sacwants mots, li loyén inte li bodje et l' mot-parint n' est pus clair :

dicweli, dipinde, dimorer, dischinde

Rifondaedje des mots avou l' betchete di

E rfondou walon, li betchete di- n' est ritnowe come rifondowe ki :

• cwand ele provént di mots k' on n' ritrouve nén avou l' betchete dis-
• cwand ele provént do rfondaedje sorwalon di mots francès calkés e walon avou l' betchete "dè-" (dèpande => dipinde).
• si l' bodje kimince pa H: dihoter
• dins les noûmots, cwand l' bodje a ddja on son S ou Z : divuzlé
• si ele mostere on rafoircixhaedje (disconte del betchete dis- k' on-z a ptchî po on disfijhaedje) (dimeprijhî purade di dismeprijhî.

Po les ôtes, on-z a ptchî di rfonde avou l' betchete dis-

• d(i)valer => disvaler; d(i)plakî => displakî; d(i)ploumer => disploumer

Sôres di croejhions avou l' betchete di-

• Viebes: difali, ditoumer, dicweli
• Divancetes : diviè, divant, dirî
• Sustantifs (ki n' provnèt nén des viebes u des dvancetes): difåte, åd dilong di
• Adviebes : dipus = pus, ditrop = trop

Cope di mots avou l' betchete di- diferinne del betchete dis-

• dipinde <> dispinde

Hårdêye difoûtrinne

• Sacwants mots avou l' betchete di- (ki sont dedja sol Wiccionaire)