Li betchete dis-, c' est ene vicante betchete do walon.

Elle est pus sovint eployeye ki l' betchete di-, si sinonime, ki n' est vicante ki sol Payis d' Lidje.

Fonccionelmint, ele pout esse riwaiteye come ene dobe betchete, l' aplacaedje d' ene betchete di- et d' ene rafoircixhante betchete s-.

On l' pout rtrover dins des viebes, mins eto dins des nos (ki l' viebe sourdant a disparexhou).

Sôres et egzimpes candjî

Betchete dis- di disfijhaedje candjî

C' est l' contråve d' on simpe viebe:

<> disfé
mete <> dismete
plaire <> displaire
fåfiler <> disfåfiler

... ou d' on viebe avou ene betchete e- d' emantchaedje: Padecôps, li bodje n' est nén clair, ca i n' vike pus dins l' walon d' ouy. Si fåt i rmonter å vî walon, et å latén et pår å gayel po comprinde l' emantchaedje :

disdut (esplicåve pal vî walon)
dispierter (esplicåve på latén)
diswåve (esplicåve på gayel)

Betchete dis- di distelaedje candjî

C' est l' contråve d' ene betchete a- d' atelaedje

acawer <> discawer

Rafoircixhante betchete dis- candjî

 Loukîz a : Categoreye:Mots avou l' rafoircixhante betchete dis-

Bén pus rålmint, li betchete dis- va awè on rafoircixhant efet.

discandjî (candjî deus côps)
disconte (bén metou conte)
displayî (tot a plåyes)

Eployaedje dins des noûmots candjî

betchete dis- tote seule candjî

si dispatroner: leyî s' plaece a èn ôte come patron, directeur, prezidint (dabôrd k' on pôreut co dmorer)

dobès betechetes candjî

On l' pout ossu acawer a des viebes k' on ddja ene ôte betchete, tot-z askepiant des novelès dobès betchetes (come disra-).

disraloyî
disrashonner

Hårdêye difoûtrinne candjî