Betchete s-

Li betchete s-, c' est ene betchete, co ene miete vicante, mins k' a deus sinses foirt diferins, shuvant les mots :

• on rafoircixhant sinse (adon, li bodje sereut purade on viebe :

stinde = bén tinde ; spepyî = bén pepyî ;

• on rsaetchant sinse (adon, li bodje sereut purade on sustantif) :

scawer = rissaetchî l' cawe ; scoxhî = rissaetchî les coxhes ; spiner = rissaetchî les « penas » (= coxhes) ; scoirner = rissaetchî l' coine ; scramer = rissaetchî l' crinme; spîter = rissaetchî l' pî (d' on meur).

• bodje nén clair : stronner = bén tronner tot morant (?) ; splitchî = ?; sbarer = bén « bårer » (?).

Alofoûmes

Tot shuvant l' rîle des troes cossounes, li betchete s- si pout todi dissipotchî (si-) ou prinde ene divanceye voyale (es-)

Dji va stinde mes bresse ; va t' sitinde dins t' lét ene dimeye eure; va t’ estinde sol divan

Do scramé laecea ; ele sicraméve li laecea divant del mete al laitreye; ele l' escrame del niût avou on scramoe (ene tåye).

Vicansté

Li rsaetchante foûme a stî tenawete eployeye dins des noûmots :

spirer = rissaetchî les pires.

Rishonnance avou l' francès

Li betchete walone s- respond al betchete francesse (gåmesse & tchampwesse) é- :

• rafoircixhant sinse : étendre = stinde
• rsaetchant sinse : écorner = scoirner ; ébrancher = scoxhî ; scramer = écrèmer
• bodje nén clair : éplucher = splitchî.

Hårdêye difoûtrinne Sacwants mots avou l' betchete s- (dedja studyîs dins l' Wiccionaire)