Motlî Lejoly d' Ôvîfa
Eléments du Wallon d'Ovifat
Li Motlî Lejoly d' Ôvîfa[1], ki l' tite e francès, c' est Eléments du Wallon d'Ovifat, c' est on motlî walon scrît tinme pa tinme avou l' accint d' Ovîfa. Il a stî rashonné pa Manfred Lejoly, ki l' eplaida lu-minme e 2001.
Gn a on bea adrovaedje da Renée Sedyn.
Il est rprins sol limero [E165] dins l' djivêye des motîs do walon.
Clasmint candjî
Les tinmes sont aboirdés onk après l' ôte, des tinmes etnolodjikes (l' ome, les amagnîs, les maladeyes, les mousmints), pu des tinmes di croejhete (årtikes, pronos, adviebes...).
Gn a eto del toponimeye, foirt ahessante, pask' ele dene eto des nos e walon di viyaedjes et d' ôtes toponimes do payis tîxhon-cåzant.
Målureuzmint, n' a nol indecse al fén po poleur ritrover tos les mots eployîs.
Ortografeye candjî
L' ixh-låte, foirt corant, est scrît "sh" (ci minme son est scrît "hy" dins l' Motî Toussaint)
Li son dj est scrît "-dg" (rindou pa "dj" dins l' Toussaint).
Li betchfessî å est scrît "an" ("â" dins l' Toussaint)
Coviete candjî
Li berå k' on voet sol coviete provént do spotaedje des dmorants d' Ovîfa (les Baras). Et nén del fåve etimolodjike come cwè li mot "Ovîfa" provénreut do latén "ovis". Mins ci n' est nén espliké dins l' live.[2]
Hårdêye difoûtrinne candjî
Sourdants candjî
- ↑ Gn a èn ôte gros motî d' Ôvifa, li motî Toussint.
- ↑ Manfred Lejoly, Li Rantoele l° 58, esté 2011.