Li curé d' Såtô (roman)

Wiktprintable without text.svg

Li Wiccionaire si rsieve di sacwants fråzes di ç' live cial po-z enimådjî des mots k' i gn a.

Li curé d' Såtô, c' est on roman e walon sicrît pa Auguste Laloux. C' est l' troejhinme roman då Gusse, après «Li ptit Bert» eyet «Les soçons».

Coviete

Wiktprintable without text.svg

Li "Motlî do Curé d' Såtô" sieve di sourdant pol Wiccionaire

Elle a stî publiyeye dins « Vers l'Avenir » do 15 d' awousse 1967 å 23 d' djulete 1968, pårteye e 48 bokets (djusse come Pa totès stroetès voyes (roman)).

Li roman a stî eplaidî come live pa Bernard Louis e 2011, enimådjî pa Sabine de Coune.

Si spès motlî (24 pådjes), adjinçné pa l' eplaideu, rileve des mots pacô waire documintés ôte pårt. Ossu, il est rprins sol limero [C63] dins l' djivêye des motîs do walon.

RascourtiModifier

L' abé Matiasse, li novea curé d' Såtô, ni s' etind nén avou l' mayeur. Les Såturlins si pårtixhnut e deus clans : les cis ki sotnèt l' curé (et conte do mayeur), et les cis ki sont pol mayeur (et conte do curé). Ces-ci ont minme divnou protestants.

So ç' tins la, Manu, li fi do mayeur, a l' beguén po Mareye, li feye d' on moenneu des "sconte-do-mayeur". C' est on amour sins espwer, shonne-t i, dabôrd.

Plaçaedje dins li spåce et dins l' tinsModifier

Li no do viyaedje rishonne a Såtoû, mins ci sereut purade on viyaedje do Condroz ou … Dorene.

Li roman cmince divant l' guere di 40, å moumint ki les recsisses kimincént a s' mostrer. On djåze di Leyon Degrele.

C' est l' egzôde di 1940, ki, al fén des féns, va fé candjî li destinêye des persounaedjes.