Jean Hamblenne

scrijheu e walon ey eplaideu d' lives e walon

Jean Hamblenne, c' est on scrijheu e walon eyet èn eplaideu di tecses rilidjeus crustins e walon.

Jean Hamblenne
Skepiaedje8 d' awousse 1953, Nameur

I vna å monde li 8 d' awousse 1953.

Di s' mestî, il esteut mwaisse di scole, ey eto scoleu (boute-po-rén) pol teyolodjeye crustinne (ortodosse).

Il est mimbe des Relîs Namurwès ey il a yeu l’ cocåde e 2021.[1]

Ovraedje come eplaideu candjî

D' aboird, i rtrova les ratournaedjes e walon d' on moenne di l' abeye di Rotchfoirt et les replaida (Evandjîle sint Mår, såmes).

Adonpwis, e 2016, il enonda on pordjet di ratournaedje e walon di tot l' Novea Testamint. A fwait k' des noveas tecses moussént foû, i les meteut a môde di livrets. Insi, il eplaida cénk prumirès letes d' apoisse e walon (e 2020), shuvou di cénk ôtes letes d' apoisse e walon (e 2021). Li live etir («Li Novea Testamint e walon») rexha e 2022.

Il a eto replaidî ene ramexhnêye d' arimés da Reynolds Hostin, Roukes et pazeas (Rukes èt pazias) (2019) pu deus pîces d' èn ake do minme oteur: «Cours moudris» eyet «L' ome» (2020). Eto, todi rapexhîs pa Hostin, ene djivêye di spots di dmorants des viyaedjes del province di Nameur.[2]

Come sicrijheu candjî

I cminça a scrire des tecses e walon dins les Cayés walons eyet dins l' Bourdon diviè 2017.

I publeye eto ses ouves dins l' Soverdea dispu 2020.

E 2022, i rashonne tos des scrijhaedjes dedja parexhous dins ces troes rvuwes la, L’ istwere do monde racontêye pa les biesses.

Sourdant candjî

  1. Christine Decock, « Rapport d'activités », dins Les Cahiers wallons, 85inme anêye,  1, djanvî-fevrî 2022, p. 24.
  2. Wallonnes 4/2019 & 1/2020.