Noû Testamint

Pol discramiaedje des årtikes avou l' mot « Novea Testamint », loukîz cial.

Li Noû Testamint u Novea Testamint, po les crustins, c' est l' pårteye del Bibe ki raconte el veye da Djezus-Cri (Evandjîles) et des prumîs crustins (Ouve des Apoisses, letes d' apoisse et co ds ôtes).

Rapoirt avou les live sacrés des ôtès rlidjons abråmikes

Ces scrijhaedjes la ni sont nén rprins del tradicion djwive, dabôrd ki l' restant del Bibe, li Vî Testamint est cåzumint parey amon les djwifs.

I n' ont waire passé nerén divins les scrîts des Muzulmans, adon ki bråmint des passaedjes do Vî Testamint si rtrovèt divins l' Alcoran).

Portant, ene pårt di çou k' est scrît dins les Evandjîles l' est ossu dins l' Alcoran: l' istwere da Djhan-Batisse, li persounaedje di Zacareye, li nexhance da Djezus-Cri di l' Aviedje Mareye pal voye do «shofla do Bon Diu».

Li grande diferince, c' est ki, po l' Alcoran, Djezus n' a nén stî touwé pa les Djwifs, mins a monté direk e Cir.

Pårteyes do Noû Testamint

les Evandjîles oficirs
- l' Evandjîle sint Matî
- l' Evandjîle sint Mår
- l' Evandjîle sint Luk
- l' Evandjîle sint Djhan
l' Ouve des Apoisses
l' Apocalipe
les letes sint På
les letes des ôtes apoisses et prumîs crustins
- li lete sint Djåke
- les deus letes sint Djhan
- les deus letes Sint Pire
- li lete Djude
- les deus letes Timoté
- li lete Tite et Filemon
- li lete ås Ebreus

Ratournaedjes e walon

On pordjet Jean Hamblenne di ratournaedje etir do Noû Testamint a stî eplaidî al fiesse ås lingaedjes walons 2016.

Les cwate evandjîles oficirs, l' Ouve des Apoisses, et sacwants letes d' apoisse sont dedja lijhåves e walon.

L' Ouve des Apoisses est ossu schoûtåve (léjhowe avou l' accint del Hôte Årdene pa Jean-Marie Lecomte).