Roukes et pazeas (arimés)

Roukes et pazeas (Rukes èt pazias), c' est ene ramexhnêye d' arimés sicrîts pa Reynolds Hostin, et replaidîs pa Jean Hamblenne e 2019.

ISBN 978-2-87594-034-6

Egzimpes di powinmesCandjî

Egzimpe di powinme mostrant li compatixhance po les ptitès djins.

Elle a molou trop d’ poennes
Ele n’ a yeu k’ do laton
Les belès djåbes d’ avoenne
Ont pouri sol såvlon.
Ele n’ a pus k’ sacwants croes
Po sotni dins l’ vesprêye
– des nuks å dbout des doets –
On tchaplet ki xhiltêye.

Egzimpe d' on powinme avou di rprotches po des madrombeles :

A cwè tuzez, mamjhele
Po esse si grandiveuse ?
Est ç’ di vos croere si bele
Ki vos divnoz grigneuse ?
Beaté n’ deure nén lontins
On l’ etere sovint djonne
Ele n’ a waire di parints
Ki corexhe après nonne.

Egzimpe d' on powinme ki conseye azès djonnes di wårder les valixheures des vîs, k' i volnut schover evoye:

Dji pinse afeye
Ås grands efants
Ki n’ ont del veye
Ki l’ moirt-taeyant.
Lzî fåreut dner
Ene bele usteye
Po ramexhner
Les påtes di swele
I n’ savèt nén
K’ on vî rustea
K’ a tos ses dints
C’ est çki gn a d’ mia.[1]

AléreCandjî

SourdantCandjî

  1. Tchuze d' egzimpes pa Lucien Mahin, Li Rantoele 90, esté 2019/