Assimilaedje di lete

Èn assimilaedje di lete, c' est cwand ene di deus cossounes metowes ene dilé l' ôte, piede si son prôpe, et prinde li son d' l' ôte.

Sôres d' assimilaedje

Egzimpe di dobe assimiladje sicrît podbon

• l' assimilaedje dirîtrin u assimilaedje del deujhinme cossoune (Fr. assimilation progressive) : c' est l' cossoune k' est padrî l' ôte, dins l' mot, ki rcandje:

TCH + V = tch f (loukîz a : dobe son DJ V)

on tchvå => on tchfå, ou: on djvå

N + D = nn

endè = ènnè

• l' assimilaedje divantrin u assimilaedje del prumire cossoune (Fr. assimilation progressive) : c' est l' cossoune k' est padvant l' ôte, dins l' mot, ki rcandje:

D + M = n m

on dmande => /ɔ̃ nmãt/; admete => [anmɛt]

D + N = n n

po dner => [po nne]; di dnêye: /di nnɛ:y/; ridner /ʀinne/

S + B = zb

sbarer, Hesbaye, disbene => /zba.re/, /Hez.baj/, /diz.bɛn/

B + /s/ = ps

abcès, abshuvant => /ap.sɛ/ /ap.ʃyː.vã/

V + T = ft

havter, covtoe => /haf.te/ /kɔf.twɛ/

<>

• li dobe assimilaedje: les deus cossounes ricandjnut :

DJ + N = gngn

on djno => on gngno /ɲɲo/

a Djnape => a Gngnape /ɲɲap/

Ôtes assimilaedjes dins les accints do walon

• E payis d' Lidje, li shuvion TCH + V s' assimile divantrinnmint:

on tchvå => on djvå (loukîz a : dobe son DJ V)

• Todi e payis d' Lidje, li shuvion V + N divént MN :

Invna => Inmna; il a vnou => il a mnou

• E payis d' Tchålerwè, li shuvion N + D divént a môde d' assimilaedje del prumire cossoune :

i nd a = i dd a.

• E payis d' Djodogne, li shuvion N + M divént mm :

Ene miete: om mièt.

Assimilaedje di lete dins des ôtes lingaedjes

neyerlandès

E neyerlandès, c' est a pô près l' minme djeu.

het volk (li peupe) => het /folk/

espagnol

Gn a eto des assimilaedjes e castiyan.

un poco (ene miete) => /om poko/

arabe

Èn assimilaedje rimarcåve, c' est l' ci ki s' passe avou l' årtike divant ene sôre di cossoune lomêye «solrece»

Loukîz a : Croejhete_di_l'_arabe#Prononçaedje

arabe marokin

Minme sacwè k' èn arabe classike, mins co avou ene u deus cossounes di pus.

Loukîz a : Croejhete di l' arabe marokin#Årtike

kimon amazir marokin

Les mots d' arabe marokin sont calkés e cmon amazir marokin avou leu-z årtike assimilé, riscrît foneticmint.

Metans: arabe al-djadida (El Djadida, veye do Marok) => arabe marokin l-jdida avou assimilaedje divantrin, çou ki dene: j-jdida (prononcî, mins måy ortografyî), ralfabetijhî «jjdida» (ⵊⵊⴷⵉⴷⴰ).

Li djeu d' assimilaedje k' on voet al resconte d' ene vuzlêye cossoune avou ene divuzlêye dins toplin des lingaedjes shonne roter eto e cmon amazir marokin.

nekki d keyyi (mi et vos) => /nəkki t kəjji/

Hårdêye difoûtrinne

• Sacwants mots do walon avou èn assimilaedje di lete (dedja studyîs sol Wiccionaire)