Kimon amazir marokin

Li cmon amazir marokin, el kimon amazir marokin (e ç' lingaedje la ⵜⴰⵎⴰⵣⵉⵖⵜ ⵜⴰⵏⴰⵡⴰⵢⵜ, tamazirht tanawayt, u ⵜⴰⵎⴰⵣⵉⵖⵜ ⵜⴰⵎⵕⵕⵓⴽⵜ, tamazirht tamaṛṛokt), c' est ene rfondowe cogne di l' amazir, sicrît e-n alfabet tifinar et diswalpé pa l' IRCAM, èn institut oficir do Marok pol linwince et l' tuzance berbere.

alfabet

Conferince so l' éndjolijhaedje do cmon amazir marokin

C' est cisse cogne la do lingaedje k' est oficirmint ricnoxhowe dins l' mwaisse lwè do Marok (dispu les anêyes 2000).

Côde ISO 639-3: zgh (dispu li 21 di decimbe 2012)

Aparexhance

dins l' acsegnmint

On a cmincî a l' acsegnî dins les anêyes 2000, dins tote li stindeŷe do payis. Mins i manke co des professeurs.

dins l' administråcion

Elle est eployeye dins les nos des administråcions (intiesses, pancwåte…), mins dandjreus nén come lingaedje d' atôtchance.

dins les scrijhaedjes veyåves di tertos

Plakes so les voyes

Plake di winaedje (paymint)

Dispu 2015, gn a troes otovoyes k' ont totes leus plakes sicrîtes e cmon amazir: l' otovoye Bni-Mellal-Cazablanca (2015), l' otovoye El Djadida-Asfi (2016) et l' grand rigne di Rabat (2016).

Egzimpes di plakes so l' otovoye Bni-Mellal-Cazablanca

• 
• 

Egzimpes di plakes so l' otovoye El Djadida-Asfi

• 
• 
• 
• 
• 
• 
• 
• 
• 
• 

Egzimpes di plakes grand rigne di Rabat

• 
• 

Rujhes d' ortografeye

Loukîz a : Categoreye des Cmons avou des scrijhas flotchreces

Sovint, dins li scrijha tifinar, gn a des ptitès u grossès flotches.

Gn a l' rujhe di scrire cwand i fåt les dmeyès cossounes ⵡ (w) et ⵢ (y), et nén les voyales ⵓ (o, ou) et ⵉ, u årvierdimint, veyanmint k' e-n alfabet arabe, c' est ene seule lete: «و» (w et o/ou) et «ي» (y et i).

• 

  «ⵉ» scrît estô di «ⵢ»

On maxhe sovint li voyale indiferinne (chwa) ⴻ et l' mete pol voyale «o/ou» ⵓ.

• 
• 
• 

Tot rcopiant li scrijha francès lete pa lete, on stitche des «ⴻ» tot l' k' i gn a on «e» e francès.

• 

On rcopeye les mots amazirs dizo les mots arabes, mot po mot, adon ki l' arabe si scrît di droete a hintche et l' amazir di hintche a droete.

• 

Li fjheu d' plake ni cnoxhe gote les letes do tifinar, et mete si scrijha li cou å hôt. Ou adon, des grands caracteres estô des ptits.

• 
• 

Alére

• (en) Ahmed Boukous, Revitalizing the amazigh language, IRCAM, Rabat, 2011, ISBN 978-9954-28-124-6 (egzistêye ossu e francès)
• (en) Timo Benjamin Röttger, Stress and Intonation in Tashlhiyt Berber, Teze, Cologne, 2016, p. 40.

Hårdêyes divintrinnes

• Croejhete do cmon amazir marokin
• Prononçaedje do Cmon Amazir marokin
• (sol Wiccionaire walon)
  • Mwaisse pådje do cmon amazir marokin
  • Mots do cmon amazir marokin dedja studyîs e walon
  • Sacwants mots walons ratournés e cmon amazir marokin

Hårdêye difoûtrinne

Discloyoe d' on wikipedia e cmon amazir marokin