Tandjî

Tandjî (amazir ⵜⵉⵏ ⵉⴳⴳⵉ, tin iggi; latén Tingis, arabe طَنْجَة, ṭanja, arabe marokin طنْجة, ṭenja = 6enja, espagnol Tánger, portuguès Tânger, inglès Tangier, francès Tanger, itålyin Tangeri), c' est ene veye do Marok, sol ponte bijhe-coûtchantrece do payis, sol sitroeteure di Djibraltar.

d' å lon

Peuplåcion

Li veye lodje 670.000 djins.

No des dmorants: Tandjawîs (arabe marokin طنْجاوي, Tenjawi).

Istwere

Li veye åreut stî askepeye på fi da Ercule, et lomêye come si mame.

Des trevéns des Romins, ele fijheut ddja do comiece avou Volubilisse.

Cwand les Espagnols ont colnijhî l' Bijhe do Marok, å cmince do 19inme sieke, elle a divnou ene zone eternåcionåle.

C' est po çoula ki, e 1953, li rwè Mawoumet V do Marok î va aler fé on spitch ki dmande noer so blanc l' indepindance (li Payis esteut adon dizo mambornance francesse ey espagnole).

Economeye

Pôrt di comiece disk' a 2014, la k' il a divnou djusse on pôrt di pexhe, et po sacwants bateas abeye (lene Tandjî-Tarifa).

Tourisse

Li trô d' Ercule, a 15 kilometes.