Wilhelm Dunker

William Dunker
Skepiaedje15 di måss 1959, Tchålerwè
Moirt25 di djun 2023, Lodlinsåt
NåcionålitéBedje
ActivitésTchanteu, auteur-compositeur ou autrice-compositrice

Wiyam Dunker, k' i rprononcive eto voltî Wiyam Dinker (e francès, William Dunker, di s' vraiy no Wilhelm Dunker), c' est on tchanteu walon. Il a skepyî li 15 di måss 1959 a Tchålerwè ey a morou li 25 di djun 2023 a Lodlinsåt.[1]

C' esteut on tchanteu k' aveut ranovlé pår li tchanson e walon dins les anêyes 2000, foiravant e djouwant do blues[2].

Di s' mestî, divant di fé do tchanteu, William Dunker esteut animateur po ls efants.

Wiyam Dunker djåzéve voltî walon avou les waloneus. Si dicåçtéve-t i sovint ses plakes e walon.

Vicåreye

candjî

I vént do costé di Djilî eyet di Tcheslinea.[3] Il dit voltî k' il est fir d' cåzer l' walon eyet di vni do Noer Payis.[4]

Ouve e walon

candjî

Il aveut cmincî pa s' fé lomer "Alfred", et rprinde des succès classikes.

E 1997, i rexhe ene pitite sitroete plake «Todi sol voye», k' on passe tofer å posse minme foû des emissions walones (çou k' est ene noveaté po des tchansons e walon).

Adon, i s' va mete di soce avou André Gauditiaubois ki va divnou s' mwaisse cåzaedjisse po ene plinne plake lazer «Trop tchôd» (ene des prumirès stroetès plakes di tchansons e walon).

E 2001, i vudnut co zels deus ene novele volêye di tchansons, «Ey adon», avou des muzicyins d' mestî. Copurade Marty Towsend et Kevin Mullighan, deus Estazunyins.

E 2005 i va rçure li tite di Tchuvalî des mwins del ministresse del culteure.

E 2007, i rexhe ene novele sitroete plake : «Ça va bén».

E 2014, i vude si 3inme sitroete plake, "Vicant å Sablon", avou bråmint des rprinjhes, mins eto sacwants novelès tchansons (come "Fåt ki dj' m' evåye").

Rilomêye

candjî

Il est foirt cnoxhou dins l' monde walon-cåzant. Il årè dvou rastinde ses cwarante ans padvant d' esse erlomé.[3]

Hårdêyes difoûtrinnes

candjî

Referinces eyet sourdants

candjî
  1. « Le chanteur wallon William Dunker est décédé », dins Li Swer, li 25 di jun 2023.
  2. https://www.wattitude.be/fr/catalog/b237~william-dunker
  3. 3,0 et 3,1 https://www.infoconcert.com/artiste/william-dunker-64114/concerts.html?menu=biographie
  4. https://www.rtbf.be/article/l-interview-de-william-dunker-8906348