Vôtaedjes pol Deujhinme Tchambe del Neyerlande di 2023

Les vôtaedjes pol Deujhinme Tchambe del Neyerlande di 2023, c' est des eleccions ki s' ont passé, li 22 d' nôvimbe 2023. El Neyerlande tchoezit voltî on dimiek come djoû po les vôtaedjes, po mwintès råjhons. Come di djusse, il inmnut ostant d' leyî les vôteus trankiles tins do wekene. La eto k' el wekene, c' est des djoûs impôrtants po les crustins eyet les djwifs. On-z a spepieuzmint tchoezi l' dimiek, plamour ki ça daléve mî avou les eurêyes des scoles.

Foto di l' oditwere del Deujhinme Tchambe del Neyerlande.

Istwere

Tins d' l' anêye 2023, el Neyerlande a yeu ene dobe crijhe : ene crijhe ecolodjike ey ene crijhe djuridike. C' est çk' on lome li crijhe neyerlandesse do nitrodjinne, k' a comincî e 2019. Come di djusse, a ç' tins la, li pus hôte djuridiccion administrative neyerlandesse a decidé k' el plan do govienmint neyerlandès di l' epoke n' esteut nén assez. Adon, ci djuridiccion ci a oblidjî l' govienmint a fé pus di foice. El rujhe avou ça, c' est k' les cinsîs d' ene cinse k' esteut rwaitêye tot-z estant trop mannixhante polnut esse esprôpriyî.

Ådzeu d' ça, el govienmint Rutte 4 a-st abandné s' termene li 7 di djulete 2023. Li cåze : ene crijhe do ratrait. Cabén k' sins çoula, les vôtaedjes årént dvou s' passer e 2025. Deus noveas pårtis estént podbon ratindous : li BoerBurgerBeweging, ki riprezinte copurade les cinsîs et k' egzistéve ddja tins des vôtaedjes di 2021, eyet li Nieuw Sociaal Contract, on pårti crustin.

Rizultats

Li Partij voor de Vrijheid a fini tot-z estant li prumî pårti å livea des votaedjes. Geert Wilders est rwaitî tot-z estant l' wangneu d' ces vôtaedjes ci. Vola les rzultats :

• Partij voor de Vrijheid ([WA] Pårti pol Liberté) : 37
• GroenLinks ([WA] Verts di Gåtche) avou Partij van de Arbeid ([WA] Pårti do Boutaedje) : 25
• Volkspartij voor Vrijheid en Democratie ([WA] Pårti do Peupe pol Liberté ey el Democraceye) : 24
• Nieuw Sociaal Contract ([WA] Novea Contrat Sociå) : 20
• Democraten 66 ([WA] Democrates 66) : 9
• BoerBurgerBeweging ([WA] Mouvmint Cinsî-Citweyin) : 7
• Christen-Democratisch Appèl ([WA] Houcaedje Crustin-Democrate) : 5
• Socialistische Partij ([WA] Pårti Socialisse) : 5
• ChristenUnie ([WA] Union Crustinne) : 3
• DENK ([WA] PINSEZ) : 3
• Forum voor Democratie ([WA] Forom pol Democraceye) : 3
• Partij voor de Dieren ([WA] Pårti po les Biesses) : 3
• Staatkundig Gereformeerde Partij ([WA] Pårti Politike Rifôrmé)
• Volt Nederland ([WA] Volt Neyerlande) : 2
• JA21 ([WA] OYI21) : 1