Djivêye UCW des nos d' veyes et viyaedjes del Walonreye
Li djivêye UCW des nos d' veyes et viyaedjes del Walonreye, c' est ene djivêye di nos coinreces des ancyins ptits bans del Walonreye, et des novelès rebanêyès comenes dins les pårlers do payis, dj' ô bén : li walon, picård, gåmès, tchampnwès, lussimbordjwès et ripouwaryin.
L' ovraedje tecnike a stî fwait pol Tåvlotêye rifondaedje di l' UCW pa Tiri Dumont e 1997, po cmincî å rfonde les nos walons des viyaedjes di Walonreye.
Elle est rprinjhe dizo rahouca TR1 dins l' Wiccionaire walon.
Prezintaedje UCW
candjîEle fourit eplaideye pa l' Union Culturele Walone e-n on ptit livret, dizo l' tite e francès “Code Postal wallon”.
Li livret a 16 pådjes avou l' djivêye des ptits bans, relîs sol no e francès pa ôre alfabetike, avou l' limero del posse eyet l' no coinrece. Gn a ossu ene pådje d' adrovaedje, ene pådje di cloyaedje (ambedeus e francès) eyet ene coviete di fén cårton.
Li fitchî a stî metou sol waibe di l' UCW.
Prezintaedje Aberteke
candjîPo les veyes et viyaedjes del Walonreye linwistike, les nos n' estént nén rfondous, mins sacwantès piceures do rfondou avént ddja stî eployeyes; metans li betchfessî å eyet l' disfaflotaedje.
Li djivêye a stî prezintêye so ene pådje di l' Aberteke dins les anêyes 2000, avou des ôtès racsegnes radjoutêyes pa Lucyin Mahin, inte di zeles :
- li compôzucion des rebanêyès comenes
- les limeros del posse
- les limeros diyalectolodjikes, et inte di zels, les ponts ALW
Cisse waibe-pådje la n' a nén stî pår ricoridjeye; si gn a-t i co sacwants flotches divins.
Hårdêyes difoûtrinnes
candjî- Mwaisse modêye (pa ôre alfabetike des nos francès, sol waibe di l' UCW)
- Ôte prezintaedje (pa ôre alfabetike walon, avou des ôtes dinêyes)