Ridû
viyaedje del Walonreye rebané avou Libin
(Redjiblé di Rudû)
a R’dû
Ridû (ki s' trouve pus sovint dizo spotcheye cogne «a Rdû», la-minme e scrijha Feller: «Rudû / a R’dû»[1], dinltins eto a Rdoû[2], F. Redu), c' est èn ancyin ptit ban del Walonreye, rebané avou Libin, el province do Lussimbork.
Mwaissès dnêyes candjî
- Limeros del posse:
- asteure : 6890
- Di 1969 a 1977 : 6914.
- Limero diyalectolodjike: Ne 11 (mwaisse pont d' l' A.L.W.).
- Arondixhmint: Li Tchestea.
- Lomaedje et spotaedje des djins did la:
Nos di des plaeces di Rdû candjî
Metowe so ene pådje tote seule
Djeyografeye candjî
L' Aiwe di Lesse, ki vént di Transene et d' Maissin, arive a Lesse k' ele trevåtche å mitan. Adonpwis, ele frè limite inte Ridû eyet Dåvdisse.
Economeye candjî
- Li Pordjet « Viyaedje ås lives » a stî enondé e 1981. Il a pår candjî l' cogne do viyaedje, la k' ene vintinne di måjhone sont divnowes des livreyes et des cafè-restorants.
- Dispu 1965, gn a eto ene eståcion di l' Adjince espaciåle uropeyinne, lomêye adon l' ESRO.
- Ene måjhon ås rabistocaedjes î a veyou l' djoû e 2016.
Tuzance walone candjî
- Respondeus po les Inketes da Haust : Ernest Delaite.
- Sicrijheus e walon a l' ocåzion : Charles Delaite, Robert Detroz.
- 1984 : Sitrimaedje do tome I live da Lucyin Mahin «Ene båke so les bwès d' l' Årdene»
- 1993 : Pol sitrimaedje des tomes II et III, raploû so l' avni do walon, avou l' prumî rescontraedje des rfondeus Lucyin Mahin, Lorint Hendschel, Tiri Dumont.
- 1997-2006 : e moes d' octôbe, fôre ås lives do payis, avou on stande pol walon; e 1997, li 12 d' octôbe, dins ç' cåde la, raploû «C' est todi li ptit k' on spotche» (culteure ey economeye), avou pretchaedje da Jean-Pierre Hiernaux, Jean-Claude Somja et Pire Otdjåke; e 1998, 1999 et 2000, prezintaedje do Calindrî walon. Ces etrevéns la estént adjinçnés pa Lucien Mahin et Michèle Gabriel.
- 2022-2023: standes walons å wekene do live a Påke.
Alére candjî
(fr) Etienne Alexandre, Redu à pas contés, Colpin Editeur, 1996.
Sourdants candjî
- ↑ Li spotchåve voyale do payis, c' est «u», k' on-z a rfondou «i» dins l' mwaisse cogne «Ridû»
- ↑ Prononçaedje da Maria Paquet (vinowe å monde a Transene diviè 1895); ci cogne la doet esse pus viye, ca ele rime avou li spot de dmorants: a Rdoû, c' est des Tchitchoûs.
- ↑ cawete -î (noûmot do walon, atåvlé e 2021).
- ↑ Jean Germain Avis de recherche : Wallons, comment vous appelez-vous, Vers l'Avenir, 24 d' octôbe 2007.
- ↑ TG1 p. 55.; li bodje do mot est «[[Wikt:tchitche|]]»; li cawete -oû est dandjreus metowe po -åd; adon, ci sereut les Tchitchåd, les cis k' ont des catches ås ouys, pask' i magnèt må, sins vitamene; c' est l' prumî viyaedje di l' Årdene, et c' esteut signorreye di Stegne, sol Fåmene, on pus ritche payis.
- ↑ Papî Bourguignon p. 81.; sinse nén clair
- ↑ S117; po «les Vessåds», po rire di zels pask' i vessént voltî, veyanmint k' i magnént bråmint des ptits poes, come dins les pôvès familes di tote l' Årdene.