Cawete -åd

Li cawete -åd et s' femrin -åde, c' est ene cawete sovint acawêye a on viebe, ki dene on sustantif pol no d' fijheu, mins avou ene mwaijhe idêye dirî l' tiesse.

Li cawete -åd est l' minme kel cawete -ård ki s' a rindou mwaisse des mots vinou pus tårdowmint do francès.

skepiaedje del cawete -åd

Å pus sovint, so on bodje di viebe :

• båyî => båyåd
• braire => breyåd
• pîler => pîlåd
• platchter => platchtåd
• schiter => schitåd
• tchafyî => tchafiåd
• tchiminer => tchiminåd
• tchire => tchiyåd
• tchoûler => tchoûlåd

Pacô, on n' ritrouve nén åjheymint l' bodje.

• vexhåd : bodje vexh- (come vesse)

On rtrouve eto li cawet -åd dins des nos d' djins, mins, teyoricmint, elle a adon ene ôte etimolodjeye.

• Linåd
• on rnåd (vî no d' djin "Rinåd")

== Omofoneye Li cawete -åd est omofone del cawete -å (tchivå, liberå, ospitå, tribunå). Mins, la, li femrin est "-åle".

Dins les accints do walon

Prononçaedje

I shuvnut li spaurdaedje des accints do betchfessî å, avou les prononçaedjes tipikes "-â", "-ât΄" so So cåzu tote l' Årdene (apus ki l' Årdene nonnrece).

Dins l' walon do Coûtchant, c' est "-aud" come après Nameur. Mins on-z a pus voltî des mots ki wådnut l' fôme "-ârd" (boyârd, chinârd, tafiârd).

Sicrijhaedje

So Lidje eyet l' Hôte Årdene, tot shuvant les Wikts walon francès, on scrît sovint sins D.

So Nameur, c' est "-aud / -aude".

C' est parey so Tchålerwè et l' Årdene nonnrece, mins sacwants scrijheus wådnut on scrijhaedje pår fonetike ("-ôd").

Hårdêye difoûtrinne

• Sustantifs avou l' cawete -åd dedja studyîs sol Wiccionaire