Cawete -ård

Li cawete -ård, c' est ene dobe rifondowe del cawete -åd, k' on rescontere dins sacwants mots k' ont-st avnou e walon lanawaire.

• picård (gros clå).
• pindård (onk ki merite d' esse pindou)
• corbiyård (sôre di grosse corbeye)

Po des mots k' i gn a li cawete -ård est eployeye pa stindaedje.

• castård
• sôdård

Coinreçmint (Coûtchant walon, Basse-Årdene), li cawete -ård, c' est eto ene disfondowe del cawete -åd :

• xhinåd -> chinârd.
• båyåd -> boyârd.
• chôgnåd -> chôgnârd.
• fagnåd -> fagnârd.

Li cawete -ård si rescontere eto, po les minmès råjhons, dins les nos d' djin :

• Biernåd => Bernård
• Djuråd -> Djirârd.
• Linåd -> Linârd, Leyonârd.

Mots avou on coron omofone

Portant, po sacwants mots, li coron omofone "-år" ni prind pont d' D, paski ci n' est nén ene cawete -ård :

• cocmwår
• tchôcmwår
• houzår
• azår