Motî d' Andene
Le parler d'Andenne: édition critique du lexique du docteur A.Melin
Li Motî d' Andene (ki l' no e francès do rtapaedje, c' est Le parler d'Andenne: édition critique du lexique du docteur A.Melin), c' est on motî walon-francès fwait a cmincî des mots mexhnés dins l' payis d' Andene pa Auguste Mélin.
L' eplaidaedje come memwere da Fabienne Sciot date di 1986.
Il est rprins sol limero [C57] dins l' djivêye des motîs do walon.
Istwere do fitchî
candjîIl aveut rimpli 2000 foyous avou a pô près 9000 mots, recråxhîs di ptitès fråzes eyet di spots.
Li fitchî a stî ofrou a Jean Haust e 1926. Ci-cial l' a splitchî, ey î rmete toplin des rcoridjaedjes.
Adonpwis, avou les ôtes lives di s' bibioteke, il a stî dné a Élisée Legros, pu rmetou al Bibioteke des Pårlers del Walonreye.
Tos ces papîscrîts la ont stî raspepyîs pa Fabienne Sciot, k' end a fwait on memwere di licince e 1986 a l' Univ di Lidje.
Les spots estént metous ådvins do foyou d' onk des mots. Il ont stî rashonnés pa Bernard Louis k' els a eplaidî dins l' Chwès e 2006.
Contnou
candjîN a des mots sol Lete H, come hôw, honte, hope. Çoucial, årvier des ôtes motîs do walon do Mitan, çou ki mostere ki l' H prumrece est bén oyåve après Andene, do moens dins sacwants viyaedjes ki l' Gusse Melin î aveut des pratikes.