Enquête linguistique sur les patois d'Ardenne
Inketes Bruneau so les patwès d' Årdene (lives)
Les Inketes Bruneau so les patwès d' Årdene, ki vraiy tite e francès, c' est Enquête linguistique sur les patois d'Ardenne, c' est des rcwerances da Tchåle Bruneau so les lingaedjes diléreces del Bijhe do dpårtumint des Årdenes francesses, k' i lome les “patwès d' Årdene” et del Nonne del Walonreye (Payis di Smwès, bote di Djivet, bote do Hinnot, dizo del Gåme).
Contnou des lives
candjîIl ont stî eplaidî e cwate gros lives.
- Etude phonétique des patois d'Ardenne (1913), la k' il esplike li sistinme fonetike va siervi po ses rcwerances.
- La limite des dialectes wallon, champenois et lorrain en Ardenne (1913), la k' i rwaite li djeyografeye des troes lingaedjes.
- Enquête linguistique sur les patois d'Ardenne, tome I (1914), la k' i dene les fômes di prononçaedje k' il a rescontré po les ratournaedjes di 940 mots francès di "abaisser (abaxhî) a "luzerne" (luzere).
- Enquête linguistique sur les patois d'Ardenne, tome II (1926), item est po les ratournaedjes di 764 mots francès di "ma (abaxhî) a "mi" (prezintoe femrin) a "y" (î).
Les deus dierins lives sont bastis a pårti d' ene djivêye di 1704 mots francès, k' on dene tos les prononçaedjes dins les 93 viyaedjes k' ont stî studyîs.
Les rzultas di l' inkete da Bruneau rissievront sovint dins l' A.L.W. pol payis di Smwès et l' Gåme.
Ortografeye
candjîTchåle Bruneau si sieve d' on sistinme k' il a dandjreus edvinté (u eployî påzès diyalectolodjisses ou latinisses) po scrire des sons k' i gn aveut nén moyén di scrire avou les letes normåles del croejhete. Ci n' est nén l' Alfabet Fonetike Eternåcionå.
Djivêye des viyaedjes walon-cåzants ricwerous dins Bruneau
candjî| Viyaedje walon | Limero diyalectolodjike Bruneau | Limero diyalectolodjike A.L.W. | A rilever |
| Nådjumont | Br 1 | Ph 59 | |
| Dweche | Br 2 | Ph 59 | |
| Fweche | Br 3 | - | |
| Fromlene | Br 4 | - | (France) |
| Han-so-Mouze | Br 5 | - | (France) |
| Idje | Br 7 | - | (France) |
| Tchô | Br 8 | Ar 1 | (France) |
| Rancene | Br 9 | - | (France) |
| Vireu | Br 10 | - | (France) |
| Montneye-so-Mouze | Br 11 | - | (France) |
| Landritchamp | Br 12 | - | (France) |
| Felene | Br 13 | D 105 | |
| Fepén | Br 14 | - | (France) |
| Aibe | Br 15 | - | (France) |
| Arniye | Br 16 | Ar 2 | (France) |
| Li Grande Boursegne | Br 17 | D 110 | |
| Fumwè | Br 18 | - | (France) |
| Vierziye | Br 19 | D 114 | |
| Li Ptite Louwate | Br 20 | D 119 | |
| Rivin | Br 21 | - | (France, mitan tchampnwès) |
| Hodrémont | Br 26 | D 122 | |
| Nafraiteure | Br 27 | D 126 | |
| Orcîmont | Br 36 | D 127 | |
| Vresse | Br 38 | D 135 | (mitan tchampnwès) |
| Les Tchairires | Br 39 | ||
| Laforet-so-Smwès | Br 48 | ||
| Mouzaive | Br 49 | ||
| Yåle | Br 50 | D141 | |
| Rotchô | Br 51 | Ne 51 | |
| Frôhan | Br 52 | ||
| Pouphan | Br 58 | Ne 68 | |
| Dôhan | Br 61 | Ne 71 | |
| Cugnon | Br 62 | Ne 72 | (aschate avou l' gåmès) |
| Arbûmont | Br 63 | Ne 60 | (aschate avou l' gåmès) |