Orcîmont

Orcîmont (F. Orchimont), c' est èn ancyin ptit ban del Walonreye, rebané avou Vresse. Metou å dzeu do tchestea, lu-minme dominant ene sitroete valêye, li viaedje est a coete d' on hôt platea.

• Limero del posse :
  • asteure : 5550
  • Di 1969 a 1977 : 6877.
• Limeros diyalectolodjikes:
  • ALW : D 127
  • Ricweraedjes da Bruneau :
• Arondixhmint: Dinant.
• Eplaçmint sol Daegn: 49°53'N - 4°56'E

• Dimanants: 250 (1830); 380 (1910); 350 (1930)
• Eglijhe e 1863, distaetcheye del pårotche del Pitite Louwate li 3 d' setimbe 1586.
• Patron: Sint Mårtén.
• Dicåce: li dierin dimegne di setimbe. Perlinadje a Sint Meyin.

Po l' etimolodjeye et les vîs scrijhas, loukîz e splitchant motî.

Li CH d' Orcîmont e francès Orchimont provént do picårdijhaedje des nos d' plaece.

Istwere

Li conteye d' Orcîmont a lontins stî on payis d' frontire inte les Bas-payis espagnols et France. Il a stî studyî på tchenonne Roland dins on live Le comté d'Orchimont et ses fiefs (li conteye d' Orcîmont et ses fîs).

Li foitresse d' Orcîmont date do X° s. et li prumî signeur åreut stî on Godfroid, signeur di Djedene, k' on rataetche voltî al famile di Chiny. Li signoreye d' Orcîmont a yeu lontins ene grande influwance so l' istwere di tote li contrêye. Li tchestea d' Orcîmont, ataké pa ene årmêye francesse di Louis XIV, ås ôres des djenerås De Chatillon et de Brézet, a stî pris et broûlé li 11 di may 1635. Ci fourit adon on sieke di måleur k' a veu peri del pesse et d' maladeyes pus di 7 djins so 10.

Mågré tos les displis ki les signeurs ont yeu a-z edurer, li stok di cisse famile la a todi dmoré sol payis, et î est co todi, avou ene brantche ki vike co a Bive.

Accint do walon e 20inme sieke

• Les doûcès consounes å coron ni s' prononcént nén adureyes : ene gade si prononcive èn gad (nén gat, come cåzu totavå l' Walonreye).