Li Ptite Louwate
Li Ptite Louwate ou Li Ptite Louwete (la-minme Lu Ptite Luwate, F. Louette-Saint-Pierre ), c' est èn ancyin ptit ban del Walonreye rebané avou Djedene, el province di Nameur.
Li Ptite Louwate, c' est l' pus vî des deus viyaedjes frés, ki l' ôte, c' est l' Grande Louwate.
- Limeros del posse :
- asteure : 5575
- davance : 6875
- Limero diyalectolodjike :
- ALW : D 119 .
- ricweraedjes da Bruneau : Br 20
- Arondixhmint : Dinant
Djeyografeye candjî
- Hôteur : 356 m
- Sitindowe : 1.492 ha
- Dimanants : 391 (1840) ; 476 (1910) ; 420 (1930)
- Eplaeçmint sol daegn : 49° 58’ 00 N – 4° 56’ 00 E.
- Dicåce : li prumî dimegne di djulete.
No di des plaeces del Pitite Louwate candjî
- Bwès Sint-Djan
- A Tchvådos
- Li Fosse ås moirts
- Li voye di Lintchamp
- Rowe del basse
Rilidjon candjî
- Eglijhe : du 1840, dicåçtêye a sint Pire.
Istwere candjî
Preyistwere candjî
Dins l' Bwès Sint-Djan, sol voye di Lintchamp, onz a rtrové des pires drudikes, ki prouvrént k' i gn aveut des Celes avårla. On pô pus hôt, a Tchvådos, al plaece k' on lome " Fosse ås moirts ", gn avot des tombales do tipe tombes ås cindes di djins, do prumî sieke divant Dj.C.
Trevéns romins candjî
Li voye ki va enute di Lintchamp al Pitite Louwate, c' esteut on boket del voye rominne Rinse-Tongue.
Moyinådje candjî
Å Moyinådje, li viyaedje passe d' ene måjon nôbe a l' ôte, a l' assulon des arindjmints, des mariaedjes u des pårtixhaedjes.
Trevéns espagnols et otrichyins candjî
E 1600, les Grands-Duks Albert et Isabelle avént on grand bwès da zels, co lomé enute "li Ban Nosse-Dame" (Notre-Dame); gn aveut èn ermitaedje djusse dizeu l' tchapele Sint-Djan. Endè dmeure co ene vôsseure.
Li vijhnaedje del France a amoenné bén des måleurs ezès XVIinme et XVIIinme siekes.
20inme seike candjî
Li 23 d' awousse 1914, gn a yeu la ene plouzêye etur les Almands et l' Erire-wåde francesse. Bilan : 9 civils touwés et 38 måjhons griyeyes.
C' est djondant l' ermitaedje kel famile Clarinval di Djedene a dmoré disk' al guere di 1940. Leu måjhon a stî distrûte après l' guere. Asteure, come bastimint, i n' dimeure pus kel tchapele, a ene pixheye del frontire francesse.
L' avey candjî
- Li tchapele Sint-Djan
- Sol voye del Croes-Schaye, gn a ene cårire du poudingue.
Tuzance walone candjî
- Accint do walon e 20inme sieke : Les doûcès consounes å coron ni s' prononcént nén adureyes : ene gade si prononcive èn gad (nén gat, come cåzu totavå l' Walonreye).