Li Salazår lidjwès (vî scrijhaedje)

Le Salazar liégeois

Pol discramiaedje des årtikes avou l' mot « Salazår », loukîz cial.

Li Salazar lîdjwès (Le Salazar liégeois), c' est on court sicrijhaedje d' oteur nén cnoxhou ki fourit eplaidî diviè 1632.

C' est l' limero 2 do live «Cwate diyalokes di payizans», eplaidî pa Jean Haust e 1939.

Elle est rprinjhe sol limero 3 dins l' clasmint Piron des vîs scrîts e walon.

Incipite

J'a l’cour creué, ſi fonge & lame (dj' a l' cour crevé, si sonk e låmes)

Contnou

C' est on diyaloke inte troes persounaedjes ki s' lomèt Colin Badou, Gaspård Magne-tot et Pirson.

I dvizèt d' on crime di guere cometou pås sôdårds espagnols do conte Salazår. Çoula s' passéve tins des gueres di rlidjon ki coschirént tote l' Urope (Guere di trinte ans).

Replaidaedjes

François Bailleux et Joseph Dejardin rimetît l' tecse e-n on sistinme di dvant Feller e 1844.

Jean Haust el replaida e sistinme Feller aviè 1939 avou troes ôtes diyalokes do minme trevén.

Corwaitaedje di l'ouve

Come onk des pus vîs scrijhaedjes e walon.

L' ouve est scrîte e walon do Levant.

L' ortografeye sieve co l' lete ſ (estô di s) po l' son S.

L' accint est l' ci do Condroz ou d' Hesbaye, avou l' oyon an/on dizo cogne «on» (/ɔ̃/): gronde tiraneye, sint Lombiet, metchonte simince.

Hårdêyes difoûtrinnes

• so Wikisourd: Le Salazar liégeois (s.n., 1632) (mwaisse modêye)
• so Wikisourd: Li Salazår lidjwès (rifondou)

Sourdant

• Anonyme (trad. Jean Haust), Quatre dialogues de paysans (1631-1636), Liège, Imprimerie H. Vaillant-Carmane, 1939