Les Rivires

Les Rivires (e francès Les Hautes-Rivières), c' est on viyaedje di France, e dipårtumint des Årdenes, djusse dilé l' frontire bedje, a 6 km di Bôhan. Gn a eto ene voye k' î va ki vént del Pitite Louwete.

Mwaireye

Limero del posse: F-08800

Nombe di djins: 1947 (1999).

Djeyografeye

Aiwes

Les Rivires sont raiweyes pa Smwès. C' est l' seule grande aiwe k' î court. Si rçût ele li Ruxhea Sint-Djhan ki vént del Pitite Louwete.

Li mot "rivire", å pluriyal, åreut purade li sinse di "Les Frontires.

Hamteas des Rivires

• a Sroda (e francès Sorendal): viyaedje ki tént avou les Rivires minme. Dinltins, c' esteut l' dwane sol voye Bôhan-Les Rivires.
• Lintchamp (e francès Linchamps): hamtea d' 200 djins, metou sol Rixhea d' Sint-Djan. Dinltins, c' esteut l' dwane sol voye Li Ptite Louwete-Les Rivires.
• Li Nouve Veye ås Hés (e francès La Neuville-aux-Haies): pitit viyaedje di viyès måjhones rarindjeyes pa des djins del Veye.
• Les Echamaux: (2 måjhons).

Viyès uzances

Gn a ene pire a sôder.

Economeye

A pårti do 18inme sieke et disk' al guere di 1914-1918, gn aveut la bråmint des clawtîs, k' avént tchaeke leu botike (c' est come ça k' i lomént leu ovroe).

A pårti di 1920, avou l' arivêye do corant electrike, des ptitès societés ont stî ahivêyes al plaece des clawtîs, todi dins l' fier (fabricåcion di pîces di machine, aprume po les otos). E 2004, gn a co 20 oujhenes k' eployèt 1000 ovrîs.

Tuzance

Lingaedje do payis

Classifiaedje

Come a Bôhan, c' est do tchampnwès, mins foirt maxhî come lingaedje, avou:

• des piceures walones:
  • Sabaye (sobayî) s' il est po ploure ?
  • Vikèt i co ? (Vicatico)
  • Ene moye di four (môⁿye)
  • Cawete -ire di "Rivires".
• des piceures tchampnwesses.
  • Betchete et cawete di Les Échamôs.
  • prezintoe d' apårtinance omrin «sa» (sa mantô)

Li lingaedje est co åjhey a comprinde po on Walon del Basse-Årdene.

Vicansté

Gn a pus k' ene dijhinne di djins, k' ont dipus d' 70 ans, ki djåzèt l' lingaedje do viyaedje (diviè 2010). Leus efants l' comprindèt mins nel djåzèt nén.

Eredjistrumint

• Ratournaedje d' ene fåve do vî vî tins (Li bijhe et l' solea)

Hårdêye difoûtrinne

• (fr) Li waibe oficire del comene des Rivires