Gurnåde (Espagne)

Pol discramiaedje des årtikes avou l' mot « Gurnåde », loukîz cial.

Gurnåde (espagnol Granada, arabe غرناطة, RharnâTa), c' est ene veye d' Espagne, e l' Andalouzeye, k' a stî l' mwaisse veye d' on rweyåme arabe andalous, li dierin k' a rbouté li rconcwesse espagnole.

portrait prins di l' Alambra, avou l' veye padrî eyet l' Sierra Nevada dins l' fond

Djeyografeye

Metowe å pî del Sierra Nevada.

Al croejhlåde des voyes ki vont a Cordowe a Mourcia eyet d' Almeria a Madride.

Dijhêyes so Gurnåde

Quien no ha visto Granada

no ha visto nada (li ci ki n' a nén veyou Gurnåde n' a rén veyou).

Avey

L' Alambra.

Dins les belès-letes e walon

Gurnåde fourit discrîte pa Djôzef Mignolet divins s' roman e walon «Amour a l' Alambra».

Gurnåde si dresse å pî d' ene montagne ki l' nivaye rafûle todi, so deus croupets côpés come å coutea d' ene parfonde valêye.

Deus clairès rivletes k' avolèt des hôts cresteas, li Xheni et l' Douro, si pormoennèt al dilongue di ses meurs et cwand ele si rdjondèt, ele caracolèt come des poléns dlaxhîs å mitan d' ene grande plinne k' on lome li Yega. Cisse-ciale, ki sieve di tapis al cité, et d' såle di djeu a s' djonnesse, est rafûlêye di vegnes et d' olivîs, d' åbes ås amandes, ås fikes et ås orandjes.

Di tos les costés, elle est etourêye di montagnes sins verdeure, ki stitchèt leus rotches a deus troes meye metes di hôteur, e-n on cir todi bleu.