Dominique Heymans

Dominique Heymans a skepyî e 1958. C' est on scrijheu e walipicård (payis del Lovire).

(e 2017)

I scrît tot notant l' accint del Botinne (u d' Gotgnî).

Il a stî eplaidî tot djonne dins l' Moxhon d' Ônea (1982).

Ouve pol walon

avou l' tchimijhe des «Wôr des rays»

I toitche des arimés foirt modierniveus et sorreyalisses. Ene ramexhnêye avou l' tite "Des trôs sol bele" a stî eplaidêye e 2004.

Mins Dominique Heymans est eto on fel sicrijheu d' noveles. Il a rascodou on pris del novele e picård a Sint-Kintin e 1996 (li walon del Lovire est a l' aschate do walon et do picård di Gôgnire).

Dominique Heymans e eto stî on djouweu d' roles, on scrijheu d' tchanson et on tchanteu e walon.

Il a eplaidî li rvuwe "Tapans ene divize" di 1993 a 2001.

Il moussî e l' SLLW dedja e 1995 et å CLRE e 1997.

Prezidint des Scrijheus do Cinte dispu 2016.

E 2017, i wangne li Pris del Federåcion Walonreye-Brussele di powezeye po «Plouves».

Ses idêyes sol rifondaedje

I fourit eto prezidint del tåvlotêye rifondaedje di l' UCW di 1994 a 2000, et scrijha on ptit årtike sol rifondaedje dins li l° 1 del rivuwe Li Rantoele. Mins i n' a måy bouté tecnicmint sol rifondou walon.

Mins i disfinda tofer li droet des rfondeus a espliker leu-z avuzion et leu sistinme di scrijhaedje (dabôrd k' il aconcoistéve des djins nén come çoula, metans emey les SLLW-îs).

Come tchanteu e walon

ki tchante dins l' boket «Hillary Cominsot»

C' esteut lu l' tchanteu dins l' binde «Wôr des Rays».

Hårdêyes difoûtrinnes

• Li Wiccionaire si rsieve di sacwantès fråzes da Dominique Heymans po-z enimådjî des mots k' i gn a.
• Vos trouvroz des racsegnes so les ouves da Dominique Heymans, u les ouves zeles-minmes, so Wikisourd e walon.
• Roci, vos ploz schoûter èn eredjistrumint del fåve do vî vî tins «Li bijhe et l' solea» ratourné pa Dominike Heymans avou l' accint d' après l' Rû pol Djåzant atlasse éndjolike des lingaedjes di France et d' avår la.
• Si pådje so l' Aberteke
• Si pådje sol viye waibe di l' SLLW