Dobe cawete

Ene dobe cawete, c' est cwand deus cawetes si shuvnut so on metou mot.

Les deus cawetes polèt dmorer téles ké, u kel prumire pout candjî.

C' est l' cas po les cawetes do walon come po les cenes d' ôtes lingaedjes.

Dobès cawetes e walon

Dobès cawetes sins spotchaedje

• rire + cawete -ot + cawete -reye => riyotreye
• mots bastis avou l' sititchete -k- : boû + -k- + cawete -ea => boûkea

Dobès cawetes avou spotchaedje

Ene sipotchåve voyale del prumire cawetes ni si trouve pus :

• bodje "åb-" (latén "albus", blanc) + cawete -on (åbusson) + cawete -eu => åbsoneu
• bodje "trîxhe" + cawete -ete + cawete -ea => trîxhtea

Dobès cawetes sins spotchaedje, mins avou rissaetchaedje d' ene halcrosse lete

C' est ene halcrosse lete k' esteut å coron del prumire cawete.

Dobes cawetes avou ristitchaedje d' ene halcrosse voyale

• bodje "pot" + sititchete -k- + cawete -et => potiket

Dobès cawetes avou candjmint del prumire

C' est å pus sovint l' cas avou l' cawete -ea come prumire cawete ki dvént li stitchete -el-.

• bodje rust- + cawete -ea (rustea) + cawete -er => rusteler

Halcrosse cossoune

• bodje "vey" + cawete -ant + cawete -mint => veyanmint

Halcrosse voyale

• bodje "påjh-" (påye) + cawete -ûle + cawete -isté => påjhûlisté

Foû do walon

e francès

• bodje "respons-" + cawete "able" + cawete "-ilité" => "responsabilité" (responsåvisté)

e neyerlandès

• bodje "verantwoord-" + cawete "-lijk" + cawete "-heid" => "verantwoordelijkheid" (responsåvisté)

Hårdêye difoûtrinne

[ Scole di walon avou des ôtes egzimpes]