Camp d' rashonnaedje di Natzweiler-Struthof

Li camp d' rashonnaedje di Natzweiler-Struthof, c' esteut on camp d' rashonnaedje ki si trovéve e-n Alsace. Asteure, c' est on memoriå touristike. I si trouve å no-d'-plaece di Struthof, dins l' comene di Natzwiller.

Istwere

Tins del Deujhinme guere daegnrece, l' Almagne nazeye a rprindou l' Alsace ey el Lorinne, k' elle aveut pierdou al fén del Prumire guere daegnrece. Li Struthof est so l' Mont Louise. Låvå ey a ciste epoke la, on-z a discovrou do granite rôze. C' est pocwè, on-z a fwait basti on camp d' rashonnaedje drola. C' est Heinrich Himmler k' aveut fwait basti ci camp d' rashonnaedje ci.

Rotaedje

Sôres

Li camp d' rashonnaedje di Natzweiler-Struthof, c' esteut puvite on camp ewou çki sacwants medcéns di l' Univiersité do Reich di Strossburi fijhént des sayes so les egayolés. Ces medcéns la estént eto des mimbes di l' N.S.D.A.P., li pårti politike des nazis.

Les esperyinces, c' esteut so troes sacwès : les maladeyes, les môdes di disfinse conte les åres tchimikes eyet l' eudjinisse. Li principåle maladeye rwaitêye, c' est l' tîfusse. Tot rwaitant les môdes di disfinse conte les åres tchimikes, c' est foiravant conte l' îperite.

Prijhnîs

Contråvmint åzès ôtes camps, les prijhnîs laddé, c' esteut purade des prijhnîs politikes. Tenawete, on ritroveut d' ôte djinres d' elaxhîs eto.

Bråmint des djins egayolés drola avént deus « N » scrîts dins l' dos d' leu tchimijhe. Les deus « N », c' est po Nacht und Nebel, ki vout dire Nute eyet brouweur. C' est l' no d' ene operåcion po-z osrotener les sakîs riscantes po l' Almagne nazeye. Osrotoner : dins l' sinse di fé disparexhe ces sakîs la come si ele n' avént måy egzisté.

Imådjes

Fotografeyes

• 
  Plake po rinde bon dvwer åzès dépôrtés etrindjirs k' avént morou laddé pol liberté.
• 
  Raptitixha do camp come il esteut dinltins. Ça si trouve dins l' muzêye.
• 
  Ene pidje do camp po-z aloukî les prijhnîs.
• 
  On baracmint do camp. Il end dmeure pus ki cwate.
• 
  Colidôr d' on baracmint.
• 
  L' ouxh del tchambe limero 4.
• 
  Cachonêye po mete les prijhnîs k' estént rwaitîs tot-z estant målåjheys.
• 
  Tåve di mambornaedje uzé po tricter les prijhnîs.
• 
  Li dvant do brûloe ewou çk' on meteut broûler les coirs des prijhnîs axhorés.
• 
  Dirî do brûloe k' on s' a siervi po broûler l' coir des prijhnîs axhorés.