Batreye (toponimeye)

Li mot batreye, u des rlomêyès batreyes, ont leyî leu no ezès viyaedjes et veyes del Walonreye.

Egzimpes

• Al Batreye (avårla, on prononce: al Batrîye): a Aussôrt, a Fromlene.
• Dizo l' Batreye; al Tere dal Batreye (la-minme: Batrîye ): no d' ene plaece di Cele-dilé-Dinant.
• Batreye di Malplaket : a Transene: Malplaké
• Batreye di Balaclava : "Balaclava" a Ebli.
• Batreye di Sebastopol : "Sebastopol" a Couyet, a Bive et a Tcheslinea (dinltins èn aresse do tram).
• Belgråde : no d' plaece k' a divnou on hamtea, pu on viyaedje.

Douvént ?

Des côps (al Batreye), c' est l' sovnance d' ene batreye inte deus årmêyes.

C' est motoit bén des plaeces k' on-z î a touwé bråmint do djibî a ene tchesse, et lomêye insi po rire. Fåreut vey dins les vîs papîs si ces nos la egzistèt ddja divant l' anêye del batreye. "Malplaké", a Transene, est å mitan d' on bwès.

Po Belgråde, on sait ki c' est on cåbaret ki s' a lomé inla. Pu les måjhons di ttåtoû.

Les batreyes k' ont stî foirt shuvowes dins les gazetes come les cenes del guere di Crimêye ont bråmint pus diné des nos d' plaeces.