Bate di noûmots del Fiesse ås lingaedjes walons

Li bate di noûmots del Fiesse ås lingaedjes walons, c' est ene bate drovowe a tertos, po trover des noûmots (e walon, mins eto e picård et minme e gåmès).

Rindaedje des pris 2024

Elle a stî metowe so pîs come pårt del fiesse ås lingaedjes walons diré 2015.

Tchaeke anêye, gn a on tinme, et, dispu 2016, èn atåvlaedje di sacwants mots a ratourner.

Les noûmots atåvlés polèt esse rahoukîs dizo l' côde G101 dins l' djivêye des motîs do walon.

Djuri

Dins l' djuri, gn a: Batisse Frankinet, Michel Francard, Lucyin Mahin (disk' e 2018), Chantal Denis (disk' e 2018), Jean-Luc Fauconnier, eyet Alix Dassargues (dispu 2017); et Roland Thibeau pol picård (disk' e 2017).

E 2019, c' est Romain Berger ki divna mwaisse del djowe.

Edicion 2015

Li tinme, c' esteut les nouvès tecnolodjeyes eyet l' mårcutigne.

Gn ourit 12 bateus(es): 4 e rfondou walon, 4 e walon do Levant, onk e carolo, onk e namurwès, et deus e picård.

Li djuri relijha sacwants noûmots a spåde, inte di zels :

• guigne-djin pol francès «caméra de surveillance»
• egurniyaedje po «årtchives»
• zûna pol franglès «buzz»
• clignete pol xhinåd li pus corant, ki fwait djustumint ene clignete.
• bransketer po disfacî on fitchî sins ådjeu del rapexhî (inglès «delete» sins åjhmince di fé èn «undelete»)
• djermon pol franglès «start-up»

Edicion 2016

C' esteut sol tinme del medcene.

Gn a yeu 6 atåvlaedjes: onk avou l' accint d' après Tchålerwè, onk d' après Lidje, onk e gåmès, onk di Måmdiy ey onk e picård.

Edicion 2017

Rizultats

• Sol waibe oficire del Fiesse

Edicion 2018

C' esteut so les voyaedjes.

Edicion 2019

Li tinme fourit «les addjectifs absitroet et les valixheures moråles».

Edicion 2020-2024

Li tinme, c' esteut l' ecolodjeye, lådje-veyanmint : evironmint, les enerdjeyes, li tcheriåjhe (transpoirt), le rivnaedje a ene veye pus naturele.

Les rzultats n' ont nén polou esse dinés al fiesse ås lingaedjes walons, k' a stî rmetowe di cåze do cron virûsse. Et l' bate rimetowe po 2024.

Hårdêyes difoûtrinnes

• (fr) Papîs d' tuzaedje da Lucyin Mahin

2015

• Tos les dossîs atåvlés e 2015 et rapoirt Mahin
• Rizultats oficirs

2016

• Tos les dossîs atåvlés e 2016 pluss on prindaedje-pårt foû-bate et rapoirt Mahin
• Rizultats oficirs

2017

• Tos les dossîs atåvlés e 2017 et rapoirt Mahin
• Rizultats oficirs

2018

• Tos les dossîs atåvlés e 2018 et rapoirt Mahin
• Rizultats oficirs

2019

• Sacwants dossîs prezintés e 2019

2020-2024

• Rizultats oficirs
• Prezintaedje pol fiesse (avou des mapes)