Andrée Flesch

Andrêye Flesch, c' est ene sicrijheuse e walon, di Perwé k' a skepyî li 14 di djun 1939. Elle a morou li 17 d' avri 2021.

(e 2010)

Di s' mestî, elle esteut scretaire å Ministere del Disfinse a Brussele.

Ouve pol walonModifier

Elle a cmincî a scrire tote djonne, a 20 ans, avou s' pa, Djhan Flesch. Il ont moussî eshonne ås Romans Scrijheus. Ses bokets ont parexhou, å cmince, dins l' Noer Boton.

E 1974, ele vude on live di powezeyes, mitan e francès, mitan e walon, sol tite "Riglatixhaedjes".

Li minme anêye, elle amonte ene trope di teyåte po ls efants, "Les Såverdeas". Et scrire des pîces por zels djouwer a Perwé : «Les arsouyes e scole»", "Les arsouyes e vacances", "Les arsouyes a l' ospitå".

Adonpwis, des cenes po les pus vîs (ene cwénzinne) : «So les bancs d' nosse viyaedje», «Il ont wangnî l' gros lot», «L' eritaedje do cour», evnd.

Al fén, ele a stî scretaire des Såverdeas d' avår ci, et scrire dins leu gazete, la k' ele divna li mwaisse sicrijheuse. Mins î moenner ene politike eplaidrece foirt wårdiveuse. Insi, ostant les sudjets a publiyî ki l' djinre di belès-letes (arimés) estît todi foirt classikes.

AléreModifier

"André Flesch, ene comere k' a todi ene pîce po mete å trô" (responda ramexhné pa J.J. Gaziaux, Lë Sauvèrdia, l° 237, setimbe 2006).

Hårdêyes difoûtrinnesModifier