Romans Scrijheus (soce)

Les Romans Scrijheus u Coirporåcion des Romans Scrijheus, c' est ene soce di scrijheus e walon k' a skepyî e 1969.

Si såme esteut di rashonner tos les scrijheus e walon do Roman Payis, ostant les cis ki scrijhnut e francès ki les waloneus.

Istwere

Sacwants scrijheus do Roman Payis (Paul Moureau, Jean-Pierre Surkol, Jacques Desmet) alént ddja ås Relîs namurwès. Mins il î estént ene miete dizôrnés paski li prezidint d' adon, Lucyin Léonard, lezî dmandéve di scrire avou l' accint d' après Nameur, dabôrd ki l' fonolodjeye des accints do Roman Payis soune foirt diferinnmint (avou l' son ë ki replaece les «i» et les «u» d' ôte pårt).

I fwaiynut ene gazete ki s' loméve «Li Noer Boton».

A on metou moumint, gn aveut pus ki les cis ki scrijhént e francès dins l' soce. Adon les waloneus ont askepyî «Li Såverdea» (gazete et soce sins papîs).

Sicrijheus

Loukîz a : Li_Noer_Boton_(gazete)#Sacwants_scrijheus_do_Noer_Boton

Sicrijhaedjes

Foû do «Noer Boton», sacwants d' leus scrijhaedjes sont rashonnêyes dins l' limero 9/1970 des Cayés walons.