Eciclopedeye Wikipedia e walon

(Redjiblé di Wikipedia e walon)

Li Wikipedia walon u pus courtinnmint, li wiki walon, c' est l' modêye di Wikipedia tote sicrîte e walon

waitroûlêye do Wikipedia walon a 11000 årtikes

IstwereModifier

Dipus d' racsegnes, cronolodjicmint

AskepianceModifier

Il a stî enondêye li 20 di djulete 2003 pa Pablo Saratxaga. Å cmince, elle a roté so ene éndjole da sinne, a môde di saye po vey s' i gn åreut yeu des djins k' årént yeu d' l' agrè po. Ci fourit li fene kimince di l' avinteure do Wikipedia walon, k' a pol moumint 11 258 årtikes.

Tré les prumirès pådjes, on-z î a ddja metou des intrêyes di l' esplicant motî do walon kimincî e 2000 pa Pablo Saratxaga eyet Lucyin Mahin.

On-z a-st arivé a 1000 intrêyes diviè l' 20 di djanvî 2004. On avna a 2000 intrêyes li 18 di may 2004.

Les prumîs fitchîs sons ont stî eberwetés e moes d' fevrî 2005. Wikinoveles, li coirnêye des dierinnès codowès noveles, a stî enondêye e moes d' avri 2005. On a avind les 5000 intrêyes diviè l' 9 di djun 2005, et les 6000 e moes d' nôvimbe del minme anêye. E 2005, gn ourit a pô près 6 intrêyes par djoû.

2006-2007Modifier

E 2006, on tournéve åtoû des 4 intrêyes par djoû. Gn a va 9000 intrêyes li 6 di djun 2007.

2009Modifier

So 'l fotografeye, on voet k' i gn' a d'dja 11 000 årtikes.

2020Modifier

Asteure (18 di djanvî 2020, 12:23 UTC+1), èl walon-cåzante eciclopedeye a 13383 årtikes (eciclopedeyes årtikes soulmint, sins les modeles ey ôtes foufs) e 6 026 djoûs d' egzistance, soit ene moyene di 2,22 årtikes på djoû.

SiervaedjeModifier

 
Siervaedje do Wikipedia walon (Nosse Lingaedje l° 98, djulete 2015)

C' est målåjhey a dire li nombe di djins ki cwerèt sol Wiki walon. Gn a yeu pacô des årtikes dissu dins les gazetes francès-cåzantes del Beldjike.

Sacwants rvuwes di prôze nén racontrece e walon ont cité des rcweraedjes so Wikipedia, aprume li Rantoele-gazete, mins eto Nosse Lingaedje.

Des ôtes rvuwes come Cotcorico ont-st eplaidî des fotos saetcheyes do Wikipedia walon.

Årmonak Wikipedia e walonModifier

Li Wikipedia e walon a eto èn årmonak so les fis; c' est èn årmonak k' est fwait so les fis pås bouteus do Wikipedia walon.

Il est coyonké avou les årmonak dins des ôtes lingaedjes.

Hårdêye difoûtrinneModifier

Prumire modêye del mwaisse pådje