Po des linwincieusès racsegnes sol mot "frumint", alez s' vey sol Wiccionaire

Li frumint (on dit eto «grin») c' est ene dinrêye d' ivier (frumint d' ivier) u d' måss (frumint d' esté).

Triticum aestivum

Sincieus no d' l' indje : Triticum aestivum.

Motlî candjî

Si on moûd l' frumint, et n' nén raidjî, on cåze di "farene di frumint"; li pwin serè do pwin d' frumint (pwin etir). Si on raidje, on djåze di "fleur"; li pwin fwait avou del fleur, c' est do blanc pan[1]

Couteure do frumint candjî

C' est ene dinrêye d' ivier pol pus grosse pårt del Walonreye. Mins c' est ene dinrêye di måss e l' Årdene. Minme dins l' "Bon Payis" (Fåmene, Condroz, Hesbaye…), cwand les frumints semés e moes d' octôbe ont d' trop sofrou d' l' ivier, on l' risseme e moes d' måss.

Sôres di frumint candjî

Sourdants candjî

 
Commons
I gn a so les cmons Wikipedia des imådjes ou fitchîs son a vey avou les frumints .
  1. E200 a "freumint"