Scweron

Li scweron, k' on lome co bén oidje d' ivier, c' est ene sôre di oidje ås shijh rindjeyes di sminces (li påte est ronde).

oidje (a hintche) et scweron (a droete)

Hordeum vulgare subsp. hexastichum - Muséum de Toulouse

Sincieus no d' l' indje : Hordeum vulgare hexastichum

Rindjmint sincieus

Li scweron aveut stî metou pa Carl von Linné come ene espece a pårt, dizo l' no e sincieus latén di Hordeum hexastichon, mins enute on l' louke come ene dizo-indje del comene oidje (Hordeum vulgare).

Istwere

Li scweron esteut, dins l' Antikité, li sôre di oidje li pus cultivêye; on nd a rtrové des påtes dins les tombales des farawons d' Edjipe.

Dinêyes sol dinrêye

On eploye li scweron copurade po dner a magnî åzès biesses, soeye-t i dizo l' cogne di grinnes, soeye-t i come farene (maxhî avou ds ôtes alimints, come complemint), soeye-t i come fôraedje (adon li plante est fåtcheye divant k' les grinnes ni soeyexhe totafwait maweures).

On pout eto eployî les grinnes come ingredyint dins les bressenes, copurade po les bires a hôt fermintaedje; mins c' est moens eployî kel oidje di printins.

A pårti des anêyes 2000, gn a yeu des oidjes d' ivier a deus rindjeyes di sminces, et ki tnèt l' côp al djalêye. Ele polèt sopoirter disk' a -15°C.