Såvlon

Pol discramiaedje des årtikes avou l' mot « Såvlon », loukîz cial.

Po des linwincieusès racsegnes sol mot "såvlon", alez s' vey sol Wiccionaire

Li såvlon u såbe, c' est ene sôre di tere fwaite di tos ptits féns grins.

Poujhaedje do såvlon

Il est poûjhî dins des såvnires u trôs d' såbe, k' ont leyî des nos d' plaeces el Walonreye. Eto sol boird di mer ou dins l' lét des corantès aiwes.

Sôres di såvlon

såvlon d' pladje.
såvlon d' wastene (do dezert)
crås såvlon
rodje såvlon

…

Uzaedjes do såvlon

I sieve bråmint ås maçons po les moirtîs. Divant di s' è siervi, el fåt raidjî.

Li crustal est fwait di 61 åcint d' såvlon et 25 åcint d' plonk et des ôtes tchimicreyes.^[1]

Les efants djouwnut voltî dins l' såvlon. C' est po ça k' on ls ahesse avou des batchs å såvlon (dins les cortis u les plinnes di djeu).

raidjaedje (såvlon d' rivire)
distecherdjaedje di såvlon d' mer
batch å såvlon

Tere å såvlon

Plantes

Les plantes ki plèt crexhe sol såvlon, c' est des plantes a pårt, ca ele divèt prinde li mateur å moumint do plovaedje. Paski pocwè? Paski l' såvlon est foirt aiwipassant (permeyåbe).

Les vatches ki paxhèt so des teres å såvlon endè polèt magnî bråmint, et fé des maladeyes del panse et des boyeas. Les tchvås parey, et awè des trintchêyes.