Nayômé

Nayômé (fr: Naomé), c' est èn ancyin ptit ban del Walonreye, rebané avou Bive, el province di Nameur (mins cåzu esseré dins l' Province do Lussimbork).

Mwaissès racsegnes

• Limeros del posse
  • asteure: 5555
  • Di 1969 a 1977: 6841
• Limero diyalectolodjike: D 132 (mwaisse pont di l' ALW).
• Arondixhmint: Dinant
• Lomaedje et spotaedje des djins did la:
  • Lomaedje: Noyômtî, Noyômtresse; (F. Naoméen, Naoméenne)
  • Sipotaedje: les Cadets.
• Eplaeçmint sol Daegn: 49°56'N - 5°05'E

cwåré madjike so ene pire d' ene måjhon

plake "Vevî do Doyåre"

Istwere

Li viyaedje di Nayômé est cnoxhou dispu 770 dizo l' no e latén del Hôte Mîtrinne ådje «Aldamega»), la k' on ndè cåze dins l' tchåte «Wandelaicus mansus».

Li tchestea d' Nayômé a stî ataké pås «Montagnards Francès» ki vnént do camp d' Belvå, li 17 d' awousse 1793 et l' signeur, Flipe-Godfrwè, viconte di Lardenoy de Ville, deputé do nôbe estat pol dutcheye do Lussimbork a stî touwé, adon k' i s' aveut catchî dins les grands djonkeas do vevî.

Ça a stî l' dierin signeur di Nayômé.

Gn aveut dins l' tins a Nayômé ene viye tchapele k' a stî confondowe po-z è fé ene novele. Les viyès pires ont stî baculêyes dilé l' vivî et cwand les djins ont basti des novelès måjhons, il ont tcheryî ces pires la. Ça fwait k' on rascontere dins les meurs des måjhons, des pires avou des scrijhaedjes.

No di des plaeces di Nayômé

Hamteas

• Mon Idêye

Ôtès plaeces

• Li Doyåre
• voye dou Molin

Avey

Al rowe d' Ôpont, padrî l' eglijhe, ene måjhon avou ene pire avou on cwåré madjike (sol måjhon Alaime) ki provént del viye tchapele.