Motî walon so les fis

On motî walon so les fis, c' est on motî walon, aprume on motî walon-francès, k' on pout aler loukî dsu sol Daegntoele.

Siervaedje

On l' pout sovint aberweter.

A pårt les scanaedjes a môde d' imådje håynés e PDF, i pout eto siervi come franwal, avou l' aidance d' ene ricwirrece divintrinne.

Istwere

Mwaisse pådje do Wiccionaire e 2010

Li prumî motî walon so les fis fourit cmincî e moes d' måss 2000. Il esta eplaidî sol waibe di l' Aberteke, edjîstrêye so on sierveu des diccionairîs.

L' eplaidaedje do prumî motî complet a stî fwait e 2001, sol waibe di motîs Lexiloglos.

Gn a tot l' air d' aveur on fel agrès po les motîs walons so les fis. Metans, li motî d' Forire et Nåwinne, il a stî eberweté tot etir 2383 côps so l' anêye 2004.

Djivêye di gros motîs walons so les fis

Wiccionaire walon e 2015

motî d' potche 4000 mots wa-fr / 4000 mots fr-wa

Rifondou walon

Esplicants motîs:
- Wiccionaire walon (R12^[1], enondé pa Lucyin Mahin e 2008, ki rprind les dnêyes di l' esplicant motî cial ådzou et l' recråxhî, tot ratournant les mots walons dins des ôtes lingaedjes; bén gåyoté et rassonré pa Julien Casters et Pablo Sarachaga e 2018; co recråxhî toltins).
  - Prumî esplicant motî (R9 prumire modêye, da Lucyin Mahin eyet Pablo Sarachaga, recråxhî inte 2000 et 2004, pu passé sol waibe Wikipedia, pu ricopieye ey ecråxheye sol Wiccionaire)
motîs walon-francès
- Dictionaire di Tot l' Walon (R10, ki rashonne tos les ôtes motîs walon-francès, kimincî so papî e 1992, metou so les fis e 2009 et co recråxhî pol djoû d' ouy)
- Motî d' potche Yoran Embanner (R13, 4000 mots avou prononçaedje zero-cnoxheu, ouve da Yannick Beauthière, Lucien Mahin et Jean Cayron, 2009)
brouyons d' motîs francès-walon (atuzlés insi, paski les ôtes polèt eto siervi po cweri on mot francès avou ene ricwirrece)
- Franwalicot (pitit motî francès-walon, di A a D (vîs rfondaedjes)
- B-doc (spepieus franwal sol lete B, vîs rfondaedjes)
- Motî d' potche Yoran Embanner (FR13, sol minme live di potche ki R13 cial ådzeu, a l' evier, mins avou pacô des ôtes mots)

Motîs avou tos les accints walons

Diccionaire djenerå do walon Johan Viroux: G106
- walon-francès
- francès-walon
Motî Louis Marcel des nos walons des plantes (diferins sistinme Feller, G100)
- Copeye nén epådjnêye
- Mwaisse live
Motî Grandgagnage (scrijha did divant Feller, G0, aberwetåve e PDF, pådje pa pådje ou en etir, a pårti d' on scanaedje sol waibe del Bibioteke di France.)

Walon do Levant

Motî Haust (Feller-Haust, E1)
Motî Lejoly d' Ovîfa (prôpe ortografeye, E165)
Motî Stasse (Feller-Haust, E170)
Motî lidjwès (motî d' Lidje so les fis, kimincî e 2001, adjinçné pa Bertrand Cornu sol waibe di motîs Lexiglos. I rote eto avou on sistinme di ratournaedje francès-walon et walon-francès. Si pout on aberweter tot l' fitchî.)