Motî Yoran Embanner walon

Motî d' potche walon / francès et français / wallon

Coviete

Li motî Yoran Embanner walon (ki l' vraiy no, c' est Motî d' potche walon / francès -- Dico de poche français / wallon), c' est on dobe motî (walfran et franwal) e rfondou walon k' a stî eplaidî e 2009 pa Yoran Embanner.

Gn a on pô dpus d' 4000 intrêyes dins tchaeke mitan.

C' est l' prumî motî e rfondou walon måy eplaidî.

Il est rprins sol limero [R13] dins l' djivêye des motîs do walon. Et, come franwal, dizo l' limero [FR13].

ISBN 978-2-914855-60-0

Adjinçnaedje

Li mwaisse adjinçneu do pordjet fourit Yannick Bauthière.

Il a yeu on fel côp di spale da Lucyin Mahin (atåvlaedje di mots corants et rfondaedje) et Jean Cayron (sicrijhaedjes des mwaisses prononçaedjes e-n AFE), avou ene pitite rawete da Pablo Sarachaga.

Kitaeyaedje

• Coviete :
• Cou-coviete : Prezintaedje e francès ey e walon :

Ci motî d' potche ci dins deus lingaedjes comprind ene miete dipus di 8000 mots ou rmetaedjes. Les mots sont les cias do lingaedje di tos les djoûs, et pol monde d' asteure. Gn a des vîs mots, bén cnoxhous dins les motîs; des côps, minme sacwants vîs vîs mots a prinde el plaece di sacwants noûmots vinous do francès et ki n' fwaiynut nén foirt walons, et des noûmots oyous amon les walon-dvizants, ou léjhous sol Daegntoele.

Vindince et rlomêye

Li pris (8,50 €) esteut foirt assaetchant po les stroetès boûsses.

Li motî s' a vindou eto a des djonnes Walons k' ont d' l' agrès di raprinde li walon, et k' ont discovrou li rfondou avou ç' live la.

Contnou

Sacwants djivions do motî Embanner (portant des mots eployîs coranmint e 21inme sieke) n' avént co stî rprins dins nol ôte motî walon. Metans : "fitchî".

Motî Yoran Embanner et Wiccionaire

Sacwants mots walons (des corants et des pus råles ni sont nén divins l' Motî Yoran Embanner. L' ovraedje ki s' porshût disk' enute sol Wiccionaire endè markêye sacwants : li djivêye est cial.

Li rfondaedje di sacwants mots a polou candjî dispu l' rexhowe do motî Yoran Embanner. Ene djivêye di sfwaits mots est eto håynêye sol Wiccionaire.

Hårdêyes difoûtrinnes

• Riscanaedje (.pdf)
• Onk des dierins tåvleas d' brouyon avou les dnêyes
• Espwetaedje sol Wiccionaire
  • Mots dedja studyîs e Wiccionaire ki n' sont nén dins l' motî Embanner
  • Coridjaedjes a fé si on l' replaidreut
• Fis so "Berdelaedje" divant et djusse après l' eplaidaedje
  • Temognaedjes d' atchteus
  • Anonce del rexhowe so "Berdelaedje"
  • Waibe di berdelaedjes po-z aprester l' pordjet